Bhagwant Kesari movie run time revealed
ఈ వారమే బాలయ్య నటించిన భగవంత్ కేసరి(Bhagwant Kesari)రిలీజ్ కానుంది. దసరా కానుకగా అక్టోబర్ 19న భగవంత్ కేసరి విడుదలకు సిద్దమవుతోంది. ఇప్పటికే రిలీజ్ అయిన సాంగ్స్, ట్రైలర్ సినిమా పై అంచనాలు భారీగా పెంచేశాయి. ఈసారి నెవ్వర్ బిఫోర్ అనేలా బాలయ్యని ఒక సరికొత్త యాంగిల్‌లో చూపించబోతున్నాడు యంగ్ డైరెక్టర్ అనిల్ రావిపూడి. తాజాగా ఈ సినిమా రన్ టైం రివీల్ అయింది. సెన్సార్ కార్యక్రమాలు పూర్తి చేసుకున్న ఈ చిత్రానికి సెన్సార్ బోర్డ్‌ క్లీన్ యూ/ఏ సర్టిఫికెట్‌ను జారీ చేసింది. ఎలాంటి కట్స్‌ లేకుండా సర్టిఫికేట్ ఇచ్చారు.
ఇక భగవంత్ కేసరి రన్ టైం వచ్చేసి 164 నిమిషాలుగా లాక్ చేశారు. అంటే 2 గంటల 44 నిమిషాల నిడివితో థియేటర్లోకి రాబోతోందన్న మాట. ఈ లెక్కన భగవంత్ కేసరి సినిమాను చూడాలంటే.. ఇంటర్వెల్‌తో కలుపుకొని మూడు గంటల పాటు థియేటర్లో ఉండాల్సి ఉంటుంది. ఈ సినిమాలో బాలయ్య సరసన సీనియర్ బ్యూటీ కాజల్ అగర్వాల్ నటిస్తుండగా.. బాలయ్య కూతురుగా యంగ్ బ్యూటీ శ్రీలీల నటిస్తోంది. ఈ ఇద్దరి మధ్య వచ్చే సీన్స్ సినిమాలో హైలెట్‌గా నిలుస్తాయని అంటున్నారు. ఈ సినిమాలో బాలీవుడ్ నటుడు అర్జున్ రాంపాల్ విలన్‌గా నటిస్తున్నాడు. షైన్‌ స్క్రీన్స్ బ్యానర్‌పై సాహు గారపాటి, హ‌రీష్ పెద్ది నిర్మిస్తున్న ఈ మూవీకి.. థమన్‌ సంగీతం అందిస్తున్నాడు. అఖండ, వీరసింహారెడ్డి జోష్‌లో ఉన్న తమన్.. భగవంత్ కేసరికి అదిరిపోయే బీజిఎం ఇచ్చినట్టుగా తెలుస్తోంది. ముఖ్యంగా ఇంటర్వెల్‌ బ్యాంగ్‌లో తమన్(ss thaman) విశ్వరూపం చూపించాడని టాక్. మరి భగవంత్ కేసరి ఎలా ఉంటుందో చూడాలి.
ఇది కూడా చూడండి: Alia Bhatt: అవార్డుల కార్యక్రమానికి పెళ్లి చీరలో అలియా భట్..నెటిజన్ల కామెంట్స్
