Bangalore Police came to Hyderabad and arrested Hema
Hema Arrest: బెంగళూరు రేవ్ పార్టీ కేసులో కీలక పరిణామం చోటు చేసుకుంది. ఈ కేసులో ప్రముఖ తెలుగు నటి హేమ అరెస్టు అయింది. గత కొన్ని రోజులుగా పోలీసులకు చిక్కకుండా దాక్కున్న హేమ ఎట్టకేలకు పోలీసులకు చిక్కింది. మరికొన్ని గంటల్లో హేమను కోర్టులో హాజరు పరిచే అవకాశం ఉన్నట్లు తెలుస్తోంది. మే 20 వ తేదీన దేశమంతా ఒక్కసారిగా ఉలిక్కిపడే వార్త వెలుగులోకి వచ్చింది. బెంగళూర్ సమీపంలోని ఓ ఫాంహౌస్‌లో రేవ్ పార్టీ జరిగిందని…అక్కడ ఉన్నవారిలో 100 మందికి పైగా పోలీసులు అదుపులోకి తీసుకున్నట్లు తెలిసింది. రేవ్ పార్టీలో పాల్గొన్న వారిలో ప్రముఖ నటి హేమ ఉన్నట్లు బెంగళూర్ పోలీసులు వెల్లడించారు. ఈ విషయాన్ని తెలుగు రాష్ట్రాల్లో ఉన్న అనేక మీడియా ఛానెళ్లు ప్రసారం చేశారు. హేమ రేవ్ పార్టీలో పాల్గొందనే విషయం విస్తృతంగా ప్రచారమయింది. ఈ విషయమై హేమ వెంటనే స్పందించింది. ఆ వార్తలన్నింటినీ హేమ ఖండించింది. తాను రేవ్ పార్టీలో పాల్గొనలేదని బుకాయించింది. స్వయంగా ఓ వీడియోను కూడా విడుదల చేసింది. దీంతో బెంగళూర్ పోలీసులు మరింత విస్తృతంగా శోధించి హేమ ప్రయాణ వివరాలను, విమాన టిక్కెట్లను బహిర్గతం చేశారు. రేవ్ పార్టీలో హేమ మాదక ద్రవ్యాలు తీసుకున్నట్లు కూడా పోలీసులు ఆధారాలు సేకరించారు.
చదవండి:SSMB29: మహేష్ ఫ్యాన్స్ ని బాగా హర్ట్ చేస్తున్న రాజమౌళి..?
దీంతో హేమ అవాక్కయింది. పోలీసుల నుంచి తప్పించుకోడానికి ఆమె చేసిన ప్రయత్నాలన్నీ బెడిసికొట్టాయి. పోలీసుల నిఘా ముందు ఆమె చేసిన బుకాయింపులు పనిచేయలేదు. విచారణకు హాజరు కావాలని పోలీసుల నుంచి పిలుపు వచ్చినా… హేమ హాజరు కాలేదు. మరికొన్ని రోజులు సమయం కావాలని ఆమె కోరింది. ఎట్టకేలకు గడువు ముగియడంలో పోలీసులు మరోసారి రంగ ప్రవేశం చేశారు. హేమ ఇంటికి వచ్చి ఆమెను అదుపులోకి తీసుకున్నారు. మే 20 వ తేదీన వాసు బర్తడే పార్టీ పేరిన జరిగిన సన్‌రైజ్ టు సన్‌సెట్‌ పార్టీలో అనేక మంది డ్రగ్స్ తీసుకున్నట్లు తేలింది. పార్టీ జరిగే చోట పోలీసులకు కొకైన్, గంజాయి, MDMA వంటి మత్తు పదార్ధాలు లభ్యమయ్యాయి. పార్టీలో పాల్గొన్న వారందరికీ డ్రగ్స్ పరీక్షలు చేయగా వారిలో 86 మంది డ్రగ్స్ సేవించినట్లు వెల్లడయింది. నటి హేమ కూడా డ్రగ్స్ తీసుకున్నట్లు పోలీసులు గుర్తించారు. వీరిందరికీ డ్రగ్స్ ఎక్కడ నుంచి వచ్చాయనే విషయంలో పోలీసులు విచారణ కొనసాగిస్తున్నారు. రానున్న రోజుల్లో మరిన్ని విషయాలు బహిర్గతం అయ్యే అవకాశాలు కనిపిస్తున్నాయి.
చదవండి:NTR: ఓజీ వాయిదా? ముందే వస్తున్న దేవర!
