అసలు బాలయ్య అంటేనే ఆటం బాంబ్.. ఇక ఫ్యాన్స్ అంతకు మించి అనేలా ఉంటారు. అందుకే బాలయ్య క్రేజ్ నెక్ట్స్ లెవల్లో ఉంటుంది. బాలయ్య 107 ప్రాజెక్ట్ థియేటర్లోకి రావడానికి ఇంకా చాలా సమయం ఉంది. కానీ ఈ లోపే ఫుల్ హంగామా చేస్తున్నారు నందమూరి ఫ్యాన్స్. ప్రస్తుతం రీ రిలీజ్ ట్రెండ్ నడుస్తున్న సంగతి తెలిసిందే. ఇప్పటికే మహేష్ బాబు ఫ్యాన్స్.. పోకిరి స్పెషల్ షోలతో రికార్డ్ క్రియేట్ చేశారు. దాంతో పవన్ కళ్యాణ్ ఫ్యాన్స్ పోకిరి రికార్డ్‌ను బ్రేక్ చేస్తూ.. జల్సాతో రచ్చ రచ్చ చేశారు. ఇక ఇప్పుడు పోకిరి, జల్సా రికార్డులను బద్దలు కొట్టేందుకు రెడీ అవుతున్నారు బాలయ్య ఫ్యాన్స్.
‘చెన్నకేశవ రెడ్డి’ రిలీజ్ అయి 20 ఏళ్లు పూర్తవుతున్న సందర్భంగా.. మరోసారి బిగ్ స్క్రీన్ పై చూసేందుకు ఈగర్‌గా వెయిట్ చేస్తున్నారు ఓవర్సీస్ అభిమానులు. ఇప్పటికే అమెరికా, ఆస్ట్రేలియాలో బుకింగ్స్ ఓపెన్ చెయ్యగా.. అన్ని లొకేషన్లలో భారీ రెస్పాన్స్ వస్తున్నట్టు తెలుస్తోంది. ముందుగా అమెరికాలో ఈ నెల 24, 25వ తేదిన.. 31 లొకేషన్లలో స్పెషల్ షోలు ప్లాన్ చేయగా.. ఇప్పుడు మొత్తం 35 లొకేషన్లలో 55 షోలు వేస్తున్నారని తెలుస్తోంది. అంతేకాదు ఇప్పటికే 25 వేల డాలర్లు వసూలు చేసినట్లు సమాచారం. ఇలాగే కంటిన్యూ అయితే 37 వేల డాలర్లకు పైగా రాబట్టిన జల్సా సినిమా రికార్డును.. చెన్నకేశవ రెడ్డి బ్రేక్ చేయడం పక్కా అంటున్నారు. ఇటు తెలుగు రాష్ట్రాల్లోను చెన్నకేశవ రెడ్డిని గట్టిగానే ప్లాన్ చేస్తున్నారు. మరి చెన్నకేశవ రెడ్డి ఎలాంటి రికార్డ్స్ క్రియేట్ చేస్తుందో చూడాలి.
