asian weekly magazine jr ntr 25th position asia heroes top 50 list
ప్రముఖ మూవీ RRR విడుదల తర్వాత యంగ్ టైగర్ జూనియర్ ఎన్టీఆర్(NTR), మెగా పవర్ స్టార్ రామ్ చరణ్ అంతర్జాతీయ ఖ్యాతిని పొందారు. వీరిద్దరూ ఎన్నో విజయాలు సాధించారు. ఆ తర్వాత జూనియర్ ఎన్టీఆర్ ఆస్కార్ కమిటీలో చోటు సంపాదించాడు. దీంతోపాటు అతను అనేక అంతర్జాతీయ పత్రికలలో మొదటి పేజీలలో కనిపించాడు. తాజాగా తారక్ మరో ఘనత సాధించగా.. ఇది తెలిసిన అభిమానులకు ఖుషీ అవుతున్నారు.
ఏషియన్ వీక్లీ న్యూస్ మ్యాగజైన్(asian weekly magazine) బ్రిటన్‌లో ప్రసిద్ధి చెందింది. ఇటీవల ఏషియన్ వీక్లీ న్యూస్ ఈస్టర్న్ ఐ 2023 పేరిట టాప్ 50 ఆసియా హీరోలను ప్రకటించింది. ఇందులో జూనియర్ ఎన్టీఆర్ కూడా చోటు సంపాదించారు. ఈస్టర్న్ ఐ 2023 పేరుతో 50 మంది ఆసియాలోని హీరోల జాబితాలో జూనియర్ ఎన్టీఆర్ 25వ స్థానంలో ఉన్నారు. టాలీవుడ్ నుంచి ఈ ఘనత సాధించిన ఏకైక నటుడు ఎన్టీఆర్ కావడం విశేషం.
జూనియర్ ఎన్టీఆర్ ప్రస్తుతం యాక్షన్ థ్రిల్లర్ డ్రామా దేవర(devara) కోసం పని చేస్తున్నారు. కొరటాల శివ దర్శకత్వంలో తెరకెక్కుతున్న ఈ సినిమా భారీ బడ్జెట్‌తో రూపొందుతోంది. బాలీవుడ్ యంగ్ బ్యూటీ జాన్వీ కపూర్ కథానాయికగా నటిస్తున్న ఈ చిత్రంలో బాలీవుడ్ స్టార్ సైఫ్ అలీఖాన్ విలన్‌గా నటిస్తున్నారు. యువసుధ ఆర్ట్స్, ఎన్.టి.ఆర్ బ్యానర్లపై సుధాకర్ మిక్కిలినేని, కొసరాజు హరికృష్ణ సంయుక్తంగా నిర్మిస్తున్నారు. దేవర ప్రస్తుతం టాలీవుడ్లో క్రేజీ మూవీ ప్రాజెక్ట్‌లలో ఒకటిగా ఉంది. ఈ సినిమా తర్వాత జూనియర్ ఎన్టీఆర్ కూడా కెజిఎఫ్ ఫేమ్ ప్రశాంత్ నీల్‌తో కలిసి పని చేయనున్నాడు.
ఇది కూడా చూడండి: Vin diesel: హాలీవుడ్ నటుడిపై మాజీ అసిస్టెంట్ లైంగిక ఆరోపణలు
