Megastar Gets Golden Visa : మెగాస్టార్‌(Megastar) చిరంజీవికి అరుదైన గౌరవం దక్కింది. యూఏఈ తమ దేశం తరఫున ఆయనకు గోల్డెన్‌ వీసాను అందించింది. వివిధ రంగాల్లో విశేషమైన కృషి చేస్తున్న వారికి ఆ దేశం గోల్డెన్‌ వీసాను అందిస్తుంది. గత వారం తమిళ సూపర్‌ స్టార్‌ రజనీ కాంత్‌ కూడా ఈ వీసా గౌరవాన్ని దక్కించుకున్నారు. ఆ తర్వాత ఇప్పుడు చిరంజీవి(Chiranjeevi) దీన్ని పొందారు. దీంతో చిరు అభిమానులు ఆయనకు పెద్ద ఎత్తున శుభాకాంక్షలు చెబుతున్నారు.
చదవండి : కేజ్రీవాల్‌కు షాకిచ్చిన సుప్రీంకోర్టు
యూఏఈ(UAE) ప్రభుత్వం పలు రంగాల్లో కృషి చేస్తున్న ప్రముఖులకు ఈ గోల్డెన్‌ వీసాను(Golden Visa) అందిస్తుంది. వ్యాపారులు, ఇన్వెస్టర్లు, శాస్త్రవేత్తలు, నటులు, కంపెనీ ఫౌండర్లు… ఇలా పలు రంగాల్లో విశేషమైన ప్రతిభ కనబరిచిన వారికి దీన్ని ఇచ్చి గౌరవిస్తుంది. ఈ వీసా ఉన్న వారు యూఏఈలో జీవించేందుకు, చదువుకునేందుకు, పని చేసుకునేందుకు వీలు ఉంటుంది. లోకల్‌గా స్పాన్సర్‌ ఉండాల్సిన అవసరం ఉండదు. పదేళ్లపాటు ఈ వీసా చెల్లుబాటు అవుతుంది. ఇనీషియల్‌గా ఆరు నెలలపాటు మల్టీ ఎంట్రీ యాక్సస్‌ సైతం ఉంటుంది.
చదవండి : దిల్లీ-వారణాసి విమానానికి బాంబు బెదిరింపులు.. ప్రయాణికుల్ని దించేసిన ఇండిగో
మన దేశంలో ఉన్న మరి కొందరు ప్రముఖులు సైతం ఇప్పటి వరకు ఈ గోల్డెన్‌ వీసాను(Golden Visa) అందుకున్నారు. చిత్ర పరిశ్రమకు చెందిన వారిలో చూసుకుంటే షారూక్‌ ఖాన్‌, అల్లు అర్జున్‌, దుల్కర్‌ సల్మాన్‌, త్రిష, అమలాపాల్‌, టొవినో థామస్‌, మమ్ముట్టి, మోహన్‌ లాల్‌ తదితరులు ఈ అరుదైన గౌరవాన్ని పొందారు.
