SSMB 28.. ఈ ప్రాజెక్ట్ పై రోజు రోజుకి అంచనాలు పెరుగుతునే ఉన్నాయి. త్రివిక్రమ్ ఈ సినిమాను హై ఓల్టేజ్ యాక్షన్ ఎంటర్టైనర్‌గా తెరకెక్కిస్తున్నాడు. సినిమా లేట్ అవుతోందని ఫ్యాన్స్ టెన్షన్ పడుతున్న.. త్రివిక్రమ్ మాత్రం చాలా కూల్‌గా ఈ ప్రాజెక్ట్‌ను డీల్ చేస్తున్నాడు. రీసెంట్‌గా షూటింగ్ బ్రేక్‌లో క్రికెట్ ఆడుతూ కనిపించాడు. ప్రస్తుతం ఈ వీడియో సోషల్ మీడియాను షేక్ చేస్తోంది. ఈ ఆట విలన్ బ్యాచ్‌తో ఉండడంతో.. అదిరిపోయే యాక్షన్ తెరకెక్కిస్తున్నారని చెప్పొచ్చు. ఇక ఈ సినిమా పై ఉన్న అంచనాలకు తగ్గట్టుగా.. తమన్ ఇస్తున్న ఎలివేషన్ చూసి ఫ్యాన్స్ పండగ చేసుకుంటున్నారు. ప్రస్తుతం టాలీవుడ్‌లో తమన్ హవా నడుస్తోంది. సంక్రాంతికి వచ్చిన నాలుగు పెద్ద సినిమాల్లో.. వీరసింహారెడ్డి, వారసుడు.. తమన్ వాయించినవే. దాంతో ఎస్ఎస్ఎంబీ 28 ట్యూన్స్, బీజిఎం కోసం ఈగర్‌గా వెయిట్ చేస్తున్నారు. తాజాగా ఓ ఇంటర్వ్యూలో తమన్ చేసిన కామెంట్స్ సోషల్ మీడియాలో వైరల్ అవుతున్నాయి. అతడు సినిమా నుంచి మహేష్, త్రివిక్రమ్ కాంబినేషన్లో సినిమా చేయడం కోసం వెయిట్ చేస్తున్నాను. నా డ్రీమ్ కూడా అదే. ఇప్పుడా అవకాశం వచ్చింది. అసలు చెప్పాలంటే.. తన లైఫ్ త్రివిక్రమ్ పరిచయానికి ముందు, ఈ తరువాత అని చెప్పుకొచ్చాడు. అరవింద సమెత, అలవైకుంఠపురములో సాంగ్స్ అంత అద్భుతంగా రావడానికి కారణం త్రివిక్రమేనని అన్నారు. ఇక ఇప్పుడు SSMB 28 అంతకుమించి అనేలా ఉంటుందని.. చెప్పుకొచ్చాడు. దాంతో మహేష్ ఫ్యాన్స్ తమన్ మాటలను సోషల్ మీడియాలో ఓ రేంజ్‌లో ట్రెండ్ చేస్తున్నారు. మరి తమన్ ఈ సారి ఎలాంటి మ్యూజిక్‌తో మ్యాజిక్ చేస్తాడో చూడాలి.
