స్టార్ హీరోలు ప్రభాస్, గోపీచంద్ మధ్య ఉన్న ఫ్రెండ్షిప్ గురించి ప్రత్యేకంగా చెప్పనక్కర్లేదు. అందుకే ఇద్దరు కలిసి బాలయ్య అన్ స్టాపబుల్ షోకు గెస్ట్‌గా వచ్చారు. రీసెంట్‌గానే వీళ్ల ఎపిసోడ్ షూటింగ్ కూడా జరిగింది. ఈ క్రమంలో బాలయ్య.. ప్రభాస్‌ను ఎలాంటి క్వశ్చన్స్ అడిగారు.. డార్లింగ్ ఏం చెప్పాడు.. గోపీచంద్‌తో కలిసి ఎలా సందడి చేశాడనే ఆసక్తి అందరిలోను ఉంది. ముఖ్యంగా ప్రభాస్ పెళ్లి గురించి క్లారిటీ ఇచ్చాడా.. లేదా అనే ఆతృత ఉంది. అందుకు తగ్గట్టే ఈ షోకు వెళ్లిన ఫ్యాన్స్.. అన్‌స్టాపబుల్ షోకే ప్రభాస్ ఎపిసోడ్ హైలెట్‌గా నిలుస్తుందని అంటున్నారు. గోపీచంద్ కూడా తన అప్ కమింగ్ ఫిల్మ్ టైటిల్ రివీల్ చేసినట్టు తెలుస్తోంది. ప్రస్తుతం శ్రీవాస్ దర్శకత్వంలో ఓ సినిమా చేస్తున్నాడు గోపీచంద్. గతంలో ఈ ఇద్దరి కాంబోలో వచ్చిన లక్ష్యం, లౌక్యం సినిమాలు బ్లాక్ బస్టర్స్‌గా నిలిచాయి. ఈ మధ్య గోపీచంద్‌కు సరైన హిట్ పడలేదు. సిటీ మార్, పక్కా కమర్షియల్ సినిమాలు సో సోగానే నిలిచాయి. అందుకే ఇప్పుడు అతని ఆశలన్నీ శ్రీవాస్ పైనే ఉన్నాయి. ఇంకా టైటిల్ ఫిక్స్ చేయని ఆ సినిమాకు ‘రామబాణం’ అనే టైటిల్ అనుకున్నట్లు బాలయ్య టాక్ షోలో చెప్పాడట గోపీచంద్. అయితే ఇందులో నిజమెంత అనేది తెలియాలంటే.. ఫుల్ ఎపిసోడ్ స్ట్రీమింగ్ అయ్యే వరకు వెయిట్ చేయాల్సిందే. అయితే ప్రస్తుతం ప్రభాస్ రాముడిగా ‘ఆదిపురుష్’ మూవీలో నటిస్తున్నాడు. ఇప్పుడు గోపీచంద్ కూడా ‘రామబాణం’గా రాబోతున్నాడు. ఇద్దరు ఫ్రెండ్స్ కూడా ఒకేసారి రామాయణం టైటిల్స్‌తో రాబోతుడడం విశేషం.
