విజయ్ దేవరకొండ, దివ్యాంశ కౌశిక్ నటిస్తున్న ఈ చిత్రానికి ఫ్యామిలీ స్టార్ అనే పేరు పెట్టాలని మేకర్స్ ప్లాన్ చేస్తున్నట్టు ఇన్‌సైడ్ టాక్. మరికొద్ది రోజుల్లో అధికారిక ప్రకటన వచ్చే అవకాశం ఉంది. ఈ సినిమాలో మరో హీరోయిన్ గా మృనాల్ ఠాగూర్ నటిస్తోంది. మేకర్స్ త్వరలో రెగ్యులర్ షూట్‌ను ప్రారంభించనున్నారు. గతంలో విజయ్ దేవరకొండ, పరశురామ్ కాంబినేషన్‌లో వచ్చిన గీత గోవిందం బ్లాక్ బస్టర్ కావడంతో ఈ ప్రాజెక్ట్ పై అంచనాలు భారీగా ఉన్నాయి. గీతాగోవిందంలో విజయ్ దేవరకొండ సరసన రష్మిక నటించింది.
చదవండి: Adivi Sesh: గూఢచారి నుంచి శేష్ అదిరిపోయే అప్ డేట్..!
కాగా, ఈ మూవీని సంక్రాంతి కానుక విడుదల చేయాలని అనుకుంటున్నారట. 2024 సంక్రాంతికి ఈ మూవీని విడుదల చేయాలని మేకర్స్ ప్లాన్ చేస్తున్నారు. గోపీ సుందర్ సంగీత దర్శకుడు కాగా, మోహనన్, మార్తాండ్ కె వెంకటేష్ సినిమాటోగ్రఫీ, ఎడిటింగ్ బాధ్యతలు నిర్వహిస్తున్నారు. శ్రీ వెంకటేశ్వర క్రియేషన్స్ బ్యానర్‌పై ఈ చిత్రాన్ని నిర్మించారు. ఈ చిత్రం మంచి ఫీల్ గుడ్ యూత్‌ఫుల్ రొమాంటిక్ ఎంటర్‌టైనర్ అని ప్రచారం జరుగుతోంది. విజయ్ దేవరకొండ ప్రస్తుతం శివ నిర్వాణ దర్శకత్వంలో ఖుషి సినిమాలో నటిస్తుండగా, మృణాల్ ఠాకూర్ నాని 30లో నటిస్తోంది.
