మాస్ కా దాస్ విశ్వక్ సేన్.. ప్రస్తుతం వరుస సినిమాలతో దూసుకుపోతున్నాడు. చివరగా ‘ఓరి దేవుడా’ అనే సినిమాతో ప్రేక్షకుల ముందుకి వచ్చాడు విశ్వక్ సేన్. ఇందులో విక్టరీ వెంకటేష్ గెస్ట్ రోల్ చేశారు. అయినా ఆ సినిమా ఆశించిన స్థాయిలో ప్రేక్షకులని మెప్పించలేదు. అందుకే దాస్ కా ధమ్కీతో సాలిడ్ హిట్ కొట్టాలని చూస్తున్నాడు. తనే డైరెక్ట్ చేస్తున్న ఈ మూవీ.. ఇప్పటికే షూటింగ్ కంప్లీట్ చేసుకుంది. ఈ సినిమాను పాన్ ఇండియా స్థాయిలో భారీ ఎత్తున రిలీజ్ చెయ్యడానికి రెడీ అవుతున్నాడు. వాస్తవానికైతే.. ‘దాస్ కా ధమ్కీ’ ఫిబ్రవరి 17నే రిలీజ్ కావాల్సి ఉంది. కానీ షూటింగ్ డిలే అవ్వడంతో.. విశ్వక్ ఈ మూవీ విడుదల వాయిదా వేశాడు. అయితే ఇప్పటి వరకు రిలీజ్ డేట్ పై క్లారిటీ ఇవ్వడం లేదు. ఇండస్ట్రీ వర్గాల ప్రకారం మాత్రం.. ఉగాది సందర్భంగా మార్చి 22న రిలీజ్ చేసే ఛాన్స్ ఉందంటున్నారు. అందుకే ఈ సినిమా నుంచి వరుస అప్డేట్స్ ఇస్తున్నాడు. ఇప్పటికే ‘దాస్ కా ధమ్కీ’ సినిమా నుంచి రెండు పాటలని, ఒక ట్రైలర్‌ని రిలీజ్ చేశాడు. ఆల్మోస్ట్ పడిపోయిందే పిల్లా, మావా బ్రో పాటలకు కుర్రకారు డిజే మోత మోగిస్తున్నారు. ఇక ఇప్పుడు ‘ఓ డాలర్ పిల్లగా’ అనే సాంగ్‌ని రిలీజ్ చేశారు. ఈ పాటను మంగ్లీ పాడగా.. మ్యూజిక్ డైరెక్టర్ లియోన్ జేమ్స్ సంగీతం అందించాడు. పబ్‌లో డిజైన్ చేసిన ఈ సాంగ్ మంగ్లీ వాయిస్‌తో అదిరిపోయేలా ఉంది. మరి ప్రమోషన్స్ స్పీడప్ చేసిన విశ్వక్ సేన్.. త్వరలోనే రిలీజ్ డేట్ అనౌన్స్ చేస్తాడేమో చూడాలి.
