ఎన్నో విలక్షణమైన పాత్రలు చేసిన జేడీ చక్రవరి టాలీవుడ్‌, బాలీవుడ్‌లో తనకంటూ ఒక ప్రత్యేక గుర్తింపు సంపాదించుకున్నాడు. అయితే గత కొన్నాళ్లేగా సినిమాలకు దూరంగా ఉంటున్నాడు ఈ సీనియర్ హీరో. కానీ ఇప్పుడు ‘దయా’ అనే ఒక వెబ్ సిరీస్‌తో ఓటిటి ఎంట్రీ ఇస్తున్నాడు. తెలుగమ్మాయిలు ఇషా రెబ్బ, బుల్లి తెర యాంకర్ యాంకర్ విష్ణుప్రియ, రమ్యనంబీసన్‌, జోష్‌ రవి, కమల్ కామరాజు కీలక పాత్రలు పోషించిన ఈ క్రైమ్‌ సిరీస్.. ప్రముఖ ఓటీటీ ప్లాట్‌ ఫామ్‌ డిస్నీ ప్లస్ హాట్ స్టార్‌లో స్ట్రీమింగ్ కానుంది.
చదవండి: Guntur Karam: షాకింగ్.. ‘గుంటూరు కారం’ ఇంకో వికెట్ డౌన్?
పవన్‌ సాదినేని దర్శకుడిగా ఎస్వీఎఫ్‌ ఎంటర్‌టైన్‌మెంట్‌ సంస్థ నిర్మించిన ఈ సిరీస్.. ఆగస్టు 4 నుంచి ఓటీటీలోకి అందుబాటులోకి రానుంది. ఇప్పటికే దయా ట్రైలర్ రిలీజ్ అవగా.. అంచనాలు పెరిగిపోయాయి. చేపలను సప్లై చేసే ఒక వ్యాన్ డ్రైవర్‌గా జేడీ కనిపించనున్నాడు. అలాంటి వ్యక్తికి ఒక ‘చెవి’ మాత్రమే వినిపిస్తుంది. చేపలను సప్లై చేసే సమయంలో అతను వేరే ఊరికి వెళ్లాల్సి వస్తుంది. అదే సమయంలో అతని భార్యకి డెలివరీ డేట్ దగ్గరికి వస్తుంది. ఇదే విషయాన్ని భర్తకు చెప్పి త్వరగా ఇంటికీ వచ్చేయమనీ ఫోన్‌ చేసి చెబుతుంది.
చదవండి: Divyansha Kaushik: రౌడీ హీరో సరసన మజిలీ బ్యూటీ..!
కానీ హీరో తన వ్యాన్‌లో శవం ఉండటం చూసి షాక్ అవుతాడు. మరి ఆ శవం ఎవరిది? ఎవరు చంపారు? ఆ వ్యానులోకి అది ఎలా వచ్చింది? అది హీరో మెడకి ఎలా చుట్టుకుంటుంది? అనేదే ఈ సరీస్ కాన్సెప్ట్‌గా ఉంది. దీంతో కంటెంట్ పరంగా ‘దయా’ మరింత ఉత్కంఠను రేకెత్తిస్తుందని చెప్పొచ్చు. మరి ఆగస్టు 4న డిస్నీ ప్లస్ హాట్ స్టార్ లో స్ట్రీమింగ్ కానున్న దయా ఎలా ఉంటుందో చూడాలి.
