Uttar Pradesh: ఓ పోలీసు అధికారి చేసిన నిర్లక్ష్య పనికి మహిళ ప్రాణాపాయంలోకి వెళ్లింది. ఉత్తర్‌ప్రదేశ్‌లోని అలీగఢ్‌లో పాస్‌పోర్టు వెరిఫికేషన్‌ కోసం ఓ మహిళ పోలీస్‌ స్టేషన్‌కు వెళ్లింది. అదే సమయంలో పోలీసు తూటాను శుభ్రం చేస్తుండగా.. పొరపాటున పేలడంతో బుల్లెట్ ఆ మహిళ తలలోకి దూసుకెళ్లింది. దీంతో ఆ మహిళ అక్కడికక్కడే కుప్పకూలిపోయింది. వెంటనే ఆమెను చికిత్స నిమిత్తం హుటాహుటిన ఆస్పత్రికి తరలించారు. ప్రస్తుతం ఆ మహిళ పరిస్థితి విషమంగా ఉన్నట్టు తెలుస్తోంది.
यहां पढ़े क्या है पूरा मामला…https://t.co/pP2Yqa1ZK1
— Janhit Times (@janhit_times) December 8, 2023
ఇది కూడా చూడండి: Israel: బంధీలుగా చేసి.. లోదుస్తులతో తరలింపు
పోలీస్‌ స్టేషన్‌లో జరిగిన ఈ ఘటనపై ఉన్నతాధికారులు సీరియస్‌గా స్పందించారు. నిర్లక్ష్యంగా వ్యవహరించిన సబ్‌ ఇన్‌స్పెక్టర్‌ మనోజ్‌ శర్మపై కేసు నమోదు చేసి అతడిని తక్షణమే సస్పెండ్‌ చేస్తూ ఆదేశాలు జారీ చేశారు. అతడిపై చట్టపరమైన చర్యలు ప్రారంభించినట్లు వెల్లడించారు. అలాగే అతనిపై క్రిమినల్‌ కేసు నమోదు చేసినట్లు తెలిపారు. ఈ ఘటనలో గాయపడిన మహిళకు వైద్యుల బృందం చికిత్స అందిస్తోందని చెప్పారు. బుల్లెట్ బాధితురాలి తలలోనే ఉందని.. ఆపరేషన్‌పై చర్చిస్తున్నామని చెప్పారు. బుల్లెట్ మహిళ తల వెనుక భాగంలో తగిలిందని చెప్పారు.
ఇది కూడా చూడండి: Fire Accident: యూనివర్సిటీలో ఘోర అగ్నిప్రమాదం..14 మంది దుర్మరణం
