మెడికల్ కాలేజీ (Medical college)లో తొక్కిసలాట జరిగి నలుగురు విద్యార్థులు దుర్మరణం (4 students died) చెందారు. ఈ దారుణ ఘటన కేరళ (Kerala)లో చోటుచేసుకుంది. కేరళలోని కొచ్చిలో కుసాట్ యూనివర్సిటీ వద్ద ఈ దారుణం జరిగింది. విద్యార్థులకు మధ్య తొక్కిసలాట జరిగిన ఘటన స్థానికంగా కలకలం రేపింది. ఈ ఘటనలో పలువురు విద్యార్థులకు తీవ్ర గాయాలు అయ్యాయి.
చదవండి: Nainital: నైనిటాల్‌లో ఘోర ప్రమాదం.. లోయలో పడ్డ కారు, ఐదుగురు మృతి
తొక్కిసలాట వల్ల నలుగురు దుర్మరణం చెందిన ఘటన గురించి కేరళ ఆరోగ్య శాఖ మంత్రి వీనా జార్జి (veena Jorge) వెల్లడించారు. కలామస్సెరీ మెడికల్ కాలేజీ వద్ద విషాదం నెలకొన్నట్లు తెలిపారు. క్యాంపస్ లోని ఓపెన్ ఎయిర్ ఆడిటోరియంలో నిఖితా గాంధీ కన్సర్ట్ జరిగింది. నిఖితా గాంధీ (Nikhita Gandhi) సంగీత దర్శకత్వంలో ఈ కన్సర్ట్ సాగుతుండగా విద్యార్థులందరూ హాజరయ్యారు. ఈ క్రమంలో తొక్కిసలాట జరిగింది. కాలేజీ యాజమాన్యమే ఈ కన్సర్ట్‌ను నిర్వహించింది. ఈ ఘటనకు సంబంధించి మరిన్ని వివరాలు తెలియాల్సి ఉంది.
