ప్రసాదం తిని ఒకరు మృతిచెందగా మరో 70 మంది పరిస్థితి సీరియస్‌గా ఉంది. ఈ దారుణ ఘటన కర్ణాటక రాష్ట్రంలోని హోస్కోటేలో చోటుచేసుకుంది. ఓ ఆలయం వద్ద ప్రసాదం పంచి పెట్టారు. ఆ ప్రసాదం తిన్న మహిళ మృతిచెందింది. ప్రసాదం తిన్న మరో 70 మంది తీవ్ర అస్వస్థతకు గురయ్యారు. వారందరినీ వేర్వేరు ఆస్పత్రుల్లో ఉంచి చికిత్స అందిస్తున్నట్లు అధికారులు వెల్లడించారు.
చదవండి: Triangle love story యువతి సజీవదహనం
పోలీసుల కథనం మేరకు..హోస్కోటేలోని ఓ ఆలయానికి భక్తులు భారీగా తరలివచ్చారు. అయితే రోజు మాదిరిగానే ఆలయం వద్ద ప్రసాదాన్ని పంచిపెట్టారు. ప్రసాదాన్ని సేవించిన భక్తులు ఆ తర్వాత తమ తమ ఇళ్లకు చేరుకున్నారు. అయితే 70 మంది దాకా తీవ్ర అస్వస్థతకు గురయ్యారు.
చదవండి: Fire Accident: ఫ్యాక్టరీలో భారీ అగ్నిప్రమాదం.. 13 మంది దుర్మరణం
చాలా మంది వాంతులు, విరేచనాలతో బాధపడుతూ ఆస్పత్రిలో చేరినట్లుగా పోలీసులు తెలిపారు. చికిత్స పొందుతూ ఓ మహిళ సోమవారం ఉదయం మృతి చెందిందని, మరికొందరు ఐసీయూలో ఉన్నట్లు అధికారులు వెల్లడించారు. అయితే ప్రసాదం సేవించని వారికి ఎలాంటి వాంతులు, విరేచనాలు కాలేదని అధికారుల విచారణలో తేలింది. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.
