ఏపీలో ఘోర రోడ్డు ప్రమాదం(Road accident) చోటుచేసుకుంది. కారు, ఆటో ఢీకొన్న ఘటనలో నలుగురు అక్కడికక్కడే దుర్మరణం చెందారు. ఈ ఘటనలో మరికొందరికి తీవ్ర గాయాలయ్యాయని పోలీసులు తెలిపారు. ప్రకాశం జిల్లా పెద్దారవీడు మండలం దేవరాజుగట్టు వద్ద ఈ దారుణం జరిగింది. జాతీయ రహదారిపై కారు, ఆటో ఎదురెదురుగా వచ్చి ఢీ కొట్టడంతోనే ఈ ఘటన జరిగినట్లు సమాచారం. ఈ ప్రమాదంలో ఆటోలో ఉన్న నలుగురు చనిపోయారు. గాయపడ్డ వారిని స్థానికులు హుటాహుటినా స్థానిక ఆస్పత్రికి తరలించారు. పోలీసులు ఘటనా స్థలానికి చేరుకుని మృతుల వివరాలను సేకరించారు. కేసు నమోదు చేసుకుని దర్యాప్తు చేస్తున్నట్లు తెలిపారు.
