Former YCP MLA Sudhakar arrested for indecent behavior on girl
Former MLA Sudhakar: కోడుమూరు మాజీ ఎమ్మెల్యే జరదొడ్డి సుధాకర్‌ను ఇవాళ పోలీసులు అరెస్ట్ చేశారు. తన ఇంట్లో పనిచేసే బాలికపై అనుచితంగా ప్రవర్తించిన కేసులో ఆయన్ను అరెస్టు చేసినట్లు పోలీసులు తెలిపారు. గతంలో సదరు అమ్మాయిపై లైంగిక వేధింపులకు పాల్ప‌డ్డాడు. దీంతో ఆయనపై కేసు నమోదు చేశారు. ఈ కేసులో భాగంగానే ఈరోజు కర్నూలులోని ఆయన ఇంటి వద్ద చేరుకున్న పోలీసులు సుధాకర్‌ను అదుపులోకి తీసుకున్నారు. తరువాత వైద్యపరీక్షల కోసం ఆసుపత్రికి తీసుకెళ్లారు. ప్రస్తుతం దీనికి సంబంధంచిన వార్త కోడుమూరు నియోజకవర్గంలో హాట్ టాపిక్‌గా మారింది.
చదవండి:Viral News: ఊరంతా పసుపు-కుంకుమ, మంత్రించిన నిమ్మకాయలు.. 15 రోజులుగా గ్రామస్తుల జాగారం
వైసీపీ నేత జరదొడ్డి సుధాకర్ ఇంట్లో పనిచేసే బాలికతో అసభ్యంగా ప్రవర్తించారని గతంలో పలు ఆరోపణలు వచ్చిన సంగతి తెలిసిందే. దీనికి సంబంధించిన వీడియోలు కూడా సోషల్ మీడియాలో తెగ ప్రచారం అయ్యాయి. ముఖ్యంగా చివరి ఎన్నికల్లో ఎక్కువగా కనిపించాయి. మైనర్ బాలికపై తప్పుగా ప్రవర్తించినందుకు ఆయనపై ఇటీవలే పోక్సో చట్టం కింద కేసు నమోదు అయింది. ఈ విషయంలో ఆయన్ను అరెస్ట్ చేశారు. కర్నూలు జిల్లా కోడుమూరు నియోజకవర్గం నుంచి సుధాకర్ 2019 ఎన్నికల్లో వైసీపీ త‌ర‌ఫున పోటీ చేసి గెలిచారు. తరువాత ఆయనకు ఆయనపై పలు ఆరోపనలు రావడంతో 2024 లో జరిగిన ఎన్నికల్లో సుధాకర్‌కు వైసీపీ టికెట్ ఇవ్వలేదు. ఆయన స్థానలో మాజీ మంత్రి ఆదిమూలపు సురేష్ సోదరుడు సతీష్‌కు టికెట్ దక్కిన విషయం తెలిసిందే.
చదవండి:CM Chandrababu: ప్రధాని మోడీతో సీఏం చంద్రబాబు కీలక భేటీ
