Drug dealer arrested in Hyderabad. Goods worth lakhs seized
Drugs dealer: తెలంగాణ వ్యాప్తంగా డ్రగ్స్‌ను అరికట్టడానికి ప్రభుత్వం సిరీయస్‌గా పనిచేస్తుంది. రాష్ట్రంలో ఎక్కడ ఎలాంటి అనవాళ్లు కనిపించనా వదిలిపెట్టడం లేదు. తాజాగా భారీ మొత్తం డ్రగ్స్‌కు సంబంధించిన ఆయిల్స్‌ను సీజ్ చేశారు. హైదరాబాద్ నగరంలోని డ్రగ్ డీలర్‌ను తాజాగా టాస్క్ ఫోర్స్ పోలీసులు అరెస్టు చేశారు. జూబ్లీ బస్‌స్టేషన్ వద్ద నవీన్ గౌడ్‌ అనే డ్రగ్ పెడ్లర్‌ను హైదరాబాద్ టాస్క్‌ఫోర్స్‌ పోలీసులు అరెస్ట్‌ చేసి అదుపులోకి తీసుకున్నారు. అతని వద్ద హాష్ ఆయిల్, వీడ్ ఆయిల్ను సీజ్ చేశారు. గతంలో కూడా నవీన్‌పై కొన్ని కేసుసు ఉన్నట్లు తెలుస్తుంది. అయితే నగరం మొత్తం ఇతనొక్కడే సప్లై చేస్తాడా లేదా ఇతని వెనుకాల ఏదైనా ముఠా ఉందా అనేది తెలియాల్సి ఉంది. పోలీసులు తెలిపిన కథనం ప్రకారం..
చదవండి:Praneeth Hanmanthu: యూట్యూబర్‌ ప్రణీత్‌కు 14 రోజుల రిమాండ్‌
జూబ్లీ బస్‌స్టేషన్‌లో హాష్ ఆయిల్, వీడ్ ఆయిల్ విక్రయిస్తుండనే పక్కా సమాచారంతో పోలీసులు నిఘా పెట్టారు. అనుకున్నట్లుగే వాటిని అమ్ముతూ పోలీసులకు చిక్కాడు. నవీన్ గౌడ్‌ను అదుపులోకి తీసుకున్నారు. అతని దగ్గర నుంచి 825 గ్రాముల హాష్ ఆయిల్ స్వాధీనం చేసుకున్నారు. దీని విలువ మార్కెట్‌లో రూ.4.22లక్షలు ఉంటుందని అధికారుల అంచనా. నవీన్ గౌడ్‌ నిజామాబాద్‌ జిల్లా వాసి. గతంలో కూడా ఇతనిపై పలు కేసులు ఉన్నాయి. వాటిలో జైలు జీవితం కూడా అనుభవించినట్లు పోలీసు రికార్డులు ఉన్నాయి. అయితే జైలులో ఉన్నప్పుడే అతడికి గంజాయి గ్యాంగ్ పరిచయం అయింది. ఆంధ్రప్రదేశ్‌కు చెందిన పలువురి పరిచయంతో గంజాయిని కొనుగోలు చేయడం, అలాగ హాష్ ఆయిల్ను కొనుగోలు చేయడం వాటిని విక్రయిస్తున్నట్లు పోలీసులు పసిగట్టారు. నిందితుడు ఆలోక్ నగర్, ఆర్టీసీ క్రాస్‌రోడ్డు జంక్షన్లలో గంజాయి విక్రయిస్తున్నట్లు తేలిందని పోలీసులు చెప్పారు.
చదవండి:Steroids: సికింద్రబాద్‌లో భారీగా స్టెరాయిడ్స్ స్వాధీనం
