AP: విశాఖలో వైసీపీ కాపు నేతలు సమావేశమయ్యారు. ఈ సందర్భంగా తనపై దాడి చేసి అక్రమంగా జైలుకు పంపారని మాజీమంత్రి అంబటి రాంబాబు మండిపడ్డారు. దాడి చేసి కార్లు ధ్వంసం చేశారని అన్నారు. తనను చంపేందుకు ప్రయత్నించారని ఆవేదన వ్యక్తం చేశారు. ఇదేనా కూటమి పాలనా.. జవాబు చెప్పాల్సిన బాధ్యత లేదా? అని ప్రశ్నించారు. అలాగే, తనకు సంఘీభావం తెలిపిన నేతలందరికీ అంబటి ధన్యవాదాలు తెలిపారు.
KNR: శంకరపట్నం మండలం కొత్తగట్టు శివారులోని కాకతీయ కాలువ వద్ద భారీ దొంగతనం జరిగింది. ఇక్కడ మోటార్లు ఏర్పాటు చేసుకొని సాగు చేసుకుంటున్న సైదాపూర్ మండలం వెన్నంపల్లి గ్రామానికి చెందిన రైతులపై దొంగలు కన్నేశారు. బుధవారం రాత్రి గుర్తుతెలియని వ్యక్తులు సుమారు 16 విద్యుత్ మోటార్లను అపహరించుకుపోయారు. ఉదయం పొలాలకు వెళ్లిన రైతులు మోటార్లు కనిపించకుండా పోయాయి అని వాపోయారు.
GDWL: శాంతినగర్ పట్టణంలోని జిల్లా పరిషత్ ఉన్నత పాఠశాల విద్యార్థులకు పెన్నులు పంపిణీ చేశారు. పదో తరగతి పరీక్షలు రాసే విద్యార్థులు కోసం ఐనవోలు ఆలయ ఈవో సత్యనారాయణ రాజు పంపిన పెన్నులు పట్టణానికి చెందిన గాయత్రి శ్రీనివాసులు విద్యార్థులకు పంపిణీ చేశారు. ఈ కార్యక్రమంలో ప్రదానోపాధ్యాయులు మద్దిలేటి, ఉపాధ్యాయులు తదితరులు పాల్గొన్నారు.
GDWL: విద్యార్థులు కష్టపడి చదివితే ఉన్నత స్థాయికి చేరుకునే అవకాశం ఉందని అయిజ మున్సిపల్ ఛైర్మన్ సీఎం సురేష్ పేర్కొన్నారు. గురువారం జడ్పీహెచ్ఎస్ బాయ్స్ హైస్కూల్లో 10వ తరగతి విద్యార్థులకు ప్రేరణా తరగతులు నిర్వహించారు. అనంతరం ఆయన మాట్లాడుతూ.. తరగతులు టీచర్లు చెప్పే పాఠ్యాంశాలు శ్రద్ధగా విని, గుర్తుంచుకోవాలన్నారు.
TG: ఢిల్లీ పర్యటన ముగించుకుని సీఎం రేవంత్ రెడ్డి హైదరాబాద్ చేరుకున్నారు. కొద్దిసేపట్లో డిప్యూటీ సీఎం భట్టి విక్రమార్క కుమారుడి వివాహ వేడుకకు ఆయన హాజరుకానున్నారు. అనంతరం నేరుగా అసెంబ్లీకి వెళ్లనున్న సీఎం.. కాంగ్రెస్ రాజ్యసభ అభ్యర్థులు అభిషేక్ మను సింఘ్వీ, వేం నరేందర్ రెడ్డి నామినేషన్ కార్యక్రమంలో పాల్గొంటారు. దీంతో ఇవాళ నగరంలో రాజకీయ సందడి నెలకొంది.
NGKL: బిజినేపల్లి మండలం వసంతపూర్ గ్రామంలో ఈ రోజు ఉదయం సర్పంచ్ ప్రశాంత్ రెడ్డి ఆధ్వర్యంలో గ్రామ నిర్వహించారు. ఈ గ్రామసభలో గ్రామంలో ఏ ఏ పనులు పెండింగ్లో ఉన్నాయని అడిగి తెలుసుకున్నారు. ఈ పనులన్నీ త్వరలోనే పూర్తి చేస్తామని ప్రజలకు హామీ ఇచ్చారు. ఈ కార్యక్రమంలో స్కూల్ టీచర్, పంచాయతీ కార్యదర్శి భూపతి, ప్రజలు పాల్గొన్నారు.
SDPT: వరి పంటలను నష్టపరుస్తున్న కాండం తొలుచు పురుగు నివారణపై సిరిసిల్ల బాలు జర్మీనన్ రామ్ అగ్రికల్చరల్ కళాశాల విద్యార్థులు రైతులకు అవగాహన కల్పించారు. ఇవాళ సిద్దిపేట రూరల్ మండలం బుస్సాపూర్లో క్షేత్రస్థాయిలో వరి పంటలను పరిశీలించారు. అధిక నత్రజని ఎరువుల వినియోగాన్ని నివారించి క్రమం తప్పకుండా పొలాలను పరిశీలించి పురుగు ఉద్ధృతిని తగ్గించుకోవడానికి గల సలహాలు, సూచనలు చేశారు.
NLG: నిడమనూరు మండం ఎర్రబెల్లి సమీపంలోని గుట్టపై కొలువైన లింగమంతుల స్వామికి వందల ఏళ్ల చరిత్ర ఉంది. పార్వతీదేవిని వివాహమాడేందుకు శివుడు ఇక్కడ స్వామి రూపంలో వెలిశాడని భక్తుల నమ్మకం. చెంచు వనిత అయిన మాణిక్యాలదేవిని పెళ్లాడేందుకు స్వామి మాయోపాయంతో ఆమెను ఒప్పించి కళ్యాణం చేసుకున్నారని పురాణాలు చెబుతున్నాయి. ఏటా ఈ కొండ వద్ద జాతర నిర్వహిస్తున్నారు.
NZB: బాల్కొండ మండలం జలాల్పూర్ గ్రామంలో ఉపాధి హామీ (NREGS) నిధులతో నూతన సీసీ రోడ్డు పనులను సర్పంచ్ మోహన్ రెడ్డి గురువారం ప్రారంభించారు. కాంగ్రెస్ పార్టీ ఇన్ఛార్జ్ ముత్యాల సునీల్ కుమార్ సహకారంతో రూ.5 లక్షల నిధులు మంజూరైనట్లు ఆయన తెలిపారు. ఈ కార్యక్రమంలో ఉపసర్పంచ్ వార్డు సభ్యులు, గ్రామ కమిటీ ప్రతినిధులు,గ్రామస్థులు పాల్గొని పనులను పర్యవేక్షించారు.
NLR: ఉదయగిరి మండలం గండిపాలెంలోని శ్రీ గంగమ్మ తల్లి ఆలయంలో గురువారం ఆలయ ఛైర్మన్ పాముల రమణయ్య – వెంకటరత్నమ్మ దంపతుల ఆధ్వర్యంలో భక్తులు ప్రత్యేక పూజా కార్యక్రమాలు నిర్వహించారు. ఈ సందర్భంగా అమ్మవారిని ప్రత్యేకంగా అలంకరించి గోత్రనామాలతో అర్చనలు చేయించుకున్నారు. అనంతరం తీర్థప్రసాదాలు స్వీకరించారు. ఆలయ అభివృద్ధికి కృషి చేస్తామన్నారు.
HYD: వరుసగా సంభవిస్తున్న ప్రమాదాలు కలకలం రేపుతున్నాయి. గత 2 నెలల్లో పదుల సంఖ్యలో అగ్నిప్రమాదాలు జరగడం పట్ల ప్రజల్లో ఆందోళన పెరుగుతోంది. బాచుపల్లి ఘటన మరవక ముందే కాటేదాన్లో మంటలు చెలరేగడం పరిస్థితి తీవ్రతను తెలియజేస్తోంది. వేసవి కాలంలో ఎండల తీవ్రత పెరిగే అవకాశం ఉన్నందున అగ్నిప్రమాదాలకు ఎక్కువగా అవకాశం ఉందని హైడ్రా, అగ్నిమాపక బృందాలు హెచ్చరిస్తున్నాయి.
HNK: గ్రేటర్ వరంగల్ మున్సిపాలిటీ పరిధిలోని కాజీపేట పట్టణం సెయింట్ ఆన్స్ ఉన్నత పాఠశాలలో నేడు పోలీస్ జాగృతి కళాబృందం సభ్యులు మూఢ నమ్మకాలు, యువత దురాలవాట్లపై సాంస్కృతిక ప్రదర్శన నిర్వహించారు. స్థానిక ఎస్సై యాదగిరి గౌడ్ జాగృతి కళాబృందం ప్రదర్శనలను ప్రారంభించారు. ఈ సందర్భంగా ఆయన మాట్లాడుతూ.. యువత మాదక ద్రవ్యాల వినియోగానికి దూరంగా ఉండాలని పిలుపునిచ్చారు.
SKLM: నిబంధనలకు వ్యతిరేకంగా పట్టపగలే అధిక లోడులు ప్రయాణం సాగిస్తున్నందున ట్రాఫిక్ అంతరాయం ఏర్పడుతోంది. నరసన్నపేట జాతీయ ప్రధాన రహదారిపై గురువారం పాతపట్నం నుంచి శ్రీకాకుళం వైపు వెళ్తున్న ఒక భారీ ట్రాక్టర్ రోడ్డు మధ్యగా ఉండిపోవడంతో రాకపోకలకు అంతరాయం ఏర్పడింది. ఇటువంటివి పునావృతం కాకుండా చూడాలని స్థనికులు అదికారులను కోరుతున్నారు.
మహబూబ్ నగర్ జిల్లాలో గత 5 రోజులుగా.. ఉష్ణోగ్రతలు గణనీయంగా పెరుగుతున్నాయి. గడిచిన 24 గంటల్లో దేవరకద్రలో 38.5 డిగ్రీల అత్యధిక ఉష్ణోగ్రత నమోదయింది. చిన్నచింతకుంట 38.3, భూత్పూర్ 38.2, కోయిలకొండ మండలం పారుపల్లి 38.1, చిన్న చింతకుంట మండలం వడ్డేమాన్ 37.7, కోయిలకొండ మండలం సిరి వెంకటాపూర్ 37.4 డిగ్రీల ఉష్ణోగ్రత నమోదైంది.
AP: రెసిడెన్షియల్ స్కూళ్లలో లక్షా 4 వేలమంది విద్యార్థులు ఉన్నారని మంత్రి DSBV స్వామి వెల్లడించారు. వారికోసం 52 వేల పడకలు కావాల్సి ఉందన్నారు. ‘దశలవారీగా మంచాలు సమకూర్చే విషయం పరిశీలిస్తున్నాం. వసతిగృహాల్లో 96 వేలమంది విద్యార్థులు ఉన్నారు. వారికి ఇంకా 94 వేల మంచాలు అవసరం. పాత భవనాలు కాబట్టి మంచాలు ఉంచే వెసులుబాటు లేదు’ అని మంత్రి వివరించారు.
