KDP: నేడు MLA మాధవి రెడ్డి, TDP నేత శ్రీనివాస రెడ్డి పలు కార్యక్రమాల్లో పాల్గొననున్నారు. ఉదయం 06:00 గంటలకు కలెక్టరేట్ నుంచి సెవెన్ రోడ్స్ వరకు జరిగే 5K అవగాహన రన్లో పాల్గొంటారు. ఉదయం 10:00 గంటలకు ఏషియన్ జనని హాస్పిటల్ ప్రారంభోత్సవానికి హాజరవుతారు. మధ్యాహ్నం 12:00 గంటలకు ఆచార్ల కాలనీలో వీరబ్రహ్మేంద్రస్వామి ఆరాధన కార్యక్రమంలో పాల్గొంటారని పార్టీ కార్యవర్గ సభ్యులు తెలిపారు.
KRNL: ఈ ఏడాది స్వచ్ఛ సర్వేక్షణ్లో గత ర్యాంక్ కంటే మెరుగైన ఫలితాలు సాధించి జిల్లాకు అవార్డులు తెచ్చేలా పనిచేయాలని శనివారం కలెక్టర్ డా.సిరి మున్సిపల్ కమిషనర్లకు ఆదేశించారు. కలెక్టరేట్లో జరిగిన సమీక్షలో పారిశుద్ధ్యం, సాలిడ్-లిక్విడ్ వేస్ట్ మేనేజ్మెంట్, టాయిలెట్ల నిర్వహణ, తాగునీటి సదుపాయాలపై ప్రత్యేక దృష్టి పెట్టాలన్నారు. వీధుల పరిశుభ్రత ముఖ్యమన్నారు.
E.G: రాజమండ్రి మార్కెట్లో చికెన్ ధరలు ఆదివారం తగ్గుముఖం పట్టాయి. గత వారంతో పోలిస్తే ధరలు దిగిరావడంతో మాంసం దుకాణాలు వినియోగదారులతో కిటకిటలాడుతున్నాయి. ప్రస్తుతం కిలో స్కిన్ లెస్ చికెన్ రూ.230, స్కిన్తో రూ.210, లైవ్ కోడి రూ.130కి విక్రయిస్తున్నారు. మటన్ కిలో రూ.1000 పలుకుతోంది. ప్రాంతాలను బట్టి ధరల్లో స్వల్ప మార్పులు ఉంటాయని వ్యాపారస్థులు తెలిపారు.
KKD: ఏలేశ్వరం మండలం లింగంపర్తి గ్రామానికి చెందిన పలువురు శనివారం రాత్రి వైఎస్సార్సీపీ నుంచి టీడీపీలో చేరారు. గ్రామ టీడీపీ నాయకులు జ్యోతుల పెద్దబాబు, పెంటకోట శ్రీధర్, నూకతాటి ఈశ్వరరావు ఆధ్వర్యంలో పెదశంకర్లపూడి ఎమ్మెల్యే క్యాంపు కార్యాలయంలో శనివారం జరిగిన కార్యక్రమంలో ఎమ్మెల్యే వరుపుల సత్యప్రభ కండువాలు వేసి వారిని పార్టీలోకి ఆహ్వానించారు.
సత్యసాయి: కదిరిలో ఆదివారం ఉదయం ‘ఆపరేషన్ వజ్ర ప్రహార్’ నిర్వహించారు. డీఎస్పీ శివ నారాయణస్వామి పర్యవేక్షణలో యర్రగుంటపల్లి, కుమ్మరోళ్లపల్లి ప్రాంతాల్లో పోలీసులు కార్డాన్ అండ్ సెర్చ్ చేపట్టారు. గంజాయి, మట్కా వంటి చట్టవిరుద్ధ కార్యకలాపాలపై నిఘా ఉంచి 12 వాహనాలను తనిఖీ చేశారు. శాంతిభద్రతల పరిరక్షణకు ప్రజలు సహకరించాలని సీఐ నారాయణరెడ్డి సూచించారు.
ప్రకాశం: జిల్లా స్థాయి మహిళ, పురుషుల బీచ్ కబడ్డీ జట్ల ఎంపికలు ఆదివారం మధ్యాహ్నం 3 గంటలకు శింగరాయకొండ మండలం పాకల బీచ్ వద్ద జరుగుతాయని జిల్లా కబడ్డీ అసోసియేషన్ అధ్యక్ష, కార్యదర్శులు కుర్రా భాస్కరరావు, వై. పూర్ణ చంద్రరావు నిన్న తెలిపారు. ఆసక్తిగల క్రీడాకారులు పూర్తి వివరాల కోసం 83276 67733 నెంబర్ను సంప్రదించాలన్నారు.
NTR: జిల్లాలో నాన్వెజ్ ధరలు ఈ విధంగా ఉన్నాయి. కేజీ మటన్ రూ. 900, కేజీ చికెన్ స్కిన్లెస్ రూ. 230 పలుకుతోంది. ఇక 30 కోడి గుడ్ల ధర రూ. 162గా ఉంది. గుడ్ల ధరలు పెరగడంతో ఆదివారం అవి కూడా ‘మెనూ’ భాగమయ్యాయి. ధరలు భారీగా ఉండటంతో వినియోగదారులు మార్కెట్ల వద్ద ఆందోళన వ్యక్తం చేస్తున్నారు. ప్రాంతాలను బట్టి ధరల్లో స్వల్ప మార్పులున్నట్లు వ్యాపారులు చెబుతున్నారు.
సత్యసాయి: వేసవి సెలవుల నేపథ్యంలో పుట్టపర్తి RTC బస్టాండ్ విద్యార్థులు, ప్రయాణికులతో కిటకిటలాడుతోంది. విద్యాసంస్థలకు సెలవులు ప్రకటించడంతో విద్యార్థులు తమ స్వగ్రామాలకు వెళ్లేందుకు బస్టాండ్కు భారీగా తరలివచ్చారు. దీంతో బస్సుల కోసం ప్రయాణికులు గంటల తరబడి వేచి చూడాల్సిన పరిస్థితి ఏర్పడింది. రద్దీని దృష్టిలో ఉంచుకుని ఆర్టీసీ అధికారులు ఏర్పాట్లు చేస్తున్నారు.
NDL: డోన్ పట్టణంలోని న్యూ మహాలక్ష్మి హాస్పిటల్ పక్కన ఏర్పాటు చేసిన “సోనో స్కాన్స్” కేంద్రాన్ని ఇవాళ ప్రారంభించనున్నారు. ఈ కార్యక్రమానికి మాజీ మంత్రి బుగ్గన రాజేంద్రనాథ్ రెడ్డి తనయుడు YCP యువనేత బుగ్గన అర్జున్ అమర్నాథ్ రెడ్డి ముఖ్య అతిథిగా హాజరుకానున్నారు. పార్టీ నేతలు, కార్యకర్తలు, అభిమానులు హాజరుకావాలని పార్టీ కార్యవర్గ సభ్యులు పిలుపునిచ్చారు.
ప్రకాశం: సింగరాయకొండ, ఒంగోలు మార్గాల మధ్య 16 నెంబర్ జాతీయ రహదారిపై శనివారం స్థానిక పోలీసులు పెట్రోలింగ్ నిర్వహించారు. అనుమానస్పదంగా తిరుగుతున్న ఇద్దరు వ్యక్తులను గుర్తించిన పోలీసులు వారిని అదుపులోకి తీసుకునేందుకు ప్రయత్నించారు. పోలీసులు వెంబడించగా ద్విచక్ర వాహనంపై కావలి రోడ్డు వరకు వెళ్లి ద్విచక్ర వాహనాన్ని అక్కడే వదిలేసి పరారైనట్లు తెలిపారు.
ATP: గార్లదిన్నె మండలం యర్రగుంట్లలో ఆదివారం వీరబ్రహ్మేంద్ర స్వామి తిరునాల సందర్భంగా గ్రామస్తుల ఆధ్వర్యంలో ఆరుపల్ల ఒంగోలు జాతి ఎద్దులకు రాతిదూలం లాగు పోటీలు నిర్వహిస్తున్నారు. గ్రామస్తులు మాట్లాడుతూ..రూ.500 ప్రవేశ రుసుం చెల్లించి పేర్లు నమోదు చేసుకోవాలన్నారు. మొదటి బహుమతి రూ.35 వేలు, 2వ బహుమతి రూ.30 వేలు, 3వ బహుమతి రూ.20 వేలు, అందజేస్తున్నట్లు తెలిపారు.
KKD: కాకినాడ నుంచి మైసూర్ వెళ్లే స్పెషల్ ట్రైన్ను బై-వీక్లీ ఎక్స్ప్రెస్గా మారుస్తూ రైల్వే శాఖ అనుమతించిందని సామర్లకోట స్టేషన్ సూపరింటెండెంట్ రమేశ్ తెలిపారు. ట్రైన్ నెం.17289/17290 కాకినాడ నుంచి సోమ, శుక్రవారాల్లో.. మైసూర్ నుంచి గురు, శనివారాల్లో నడుస్తుందని వివరించారు. ప్రయాణికులు ఈ మెరుగైన రైలు సదుపాయాన్ని సద్వినియోగం చేసుకోవాలన్నారు.
అన్నమయ్య: మదనపల్లెలో కుటుంబ సమస్యలతో మనస్తాపానికి గురైన 54 ఏళ్ల బాబు అనే నేతన్న యాసిడ్ తాగి ఆత్మహత్యాయత్నానికి పాల్పడ్డాడు. ఈ ఘటన శనివారం సాయంత్రం నీరుగట్టువారిపల్లెలో చోటుచేసుకుంది. స్థానికులు వెంటనే అతన్ని జిల్లా ఆసుపత్రికి తరలించగా, వైద్యుల చికిత్సతో కోలుకుంటున్నట్లు సమాచారం. పోలీసులు ఈ ఘటనపై దర్యాప్తు చేపట్టారు.
TPT: భారత ఉపరాష్ట్రపతి C. P.రాధాకృష్ణన్ తిరుపతి-తిరుమల పర్యటన నేపథ్యంలో రేణిగుంట ఎయిర్పోర్ట్ ASL సమావేశం జరిగింది. జిల్లా ఎస్పీ ఎల్ సుబ్బారాయుడు ఆధ్వర్యంలో భద్రత, ట్రాఫిక్, బందోబస్తు ఏర్పాట్లపై సమీక్ష నిర్వహించారు. ఎయిర్పోర్ట్ నుంచి తిరుచానూరు, తిరుమల వరకు భద్రతా ఏర్పాట్లు పరిశీలించి కట్టుదిట్టంగా అమలు చేయాలని ఆదేశించారు.
అల్లూరి: అరకులోయలోని అల్లూరి సీతారామరాజు సీబీఎస్ఈ పబ్లిక్ స్కూల్ 44వ వార్షికోత్సవంను శనివారం ఘనంగా నిర్వహించారు. ముఖ్య అతిథులుగా రాష్ట్ర మంత్రి కొండపల్లి శ్రీనివాస్, ఆర్టీసీ ప్రాంతీయ జోన్ ఛైర్మెన్ డా దొన్నుదొర, స్కూల్ ఛైర్మన్ సత్యన్నారాయణ రాజు పాల్గొన్నారు. ఈ సందర్భంగా విద్యలో ప్రతిభ చూపిన విద్యార్ధులకు మెడల్స్, ధృవపత్రాలు అందించారు.
