ఇన్వెస్టర్లు ఎప్పటి నుంచో చూస్తున్న తరుణం వచ్చేసింది. వచ్చేవారం 11 కంపెనీలు ఐపీఓలకు వస్తున్నాయి. ఈ నేపథ్యంలో ఇన్వెస్టర్లు సమాయత్తం అవుతున్నారు. ప్రస్తుతం దేశంలో ఇనిషియల్ పబ్లిక్ ఆఫర్ ఐపీఓల సీజన్ నడుస్తోంది. టాటా టెక్, ఫ్లెయిర్, గాంధార్ ఆయిల్ వంటి ఐపీఓలు గత కొద్ది రోజులకు ముందే మార్కెట్లోకి వచ్చి అద్భుతంగా దూసుకుపోతున్నాయి. ఈ తరుణంలో మరిన్ని కంపెనీలు నిధుల సమీకరణకు సిద్దం అవుతున్నాయి.
చదవండి: Sundar Pichai: పశ్చాత్తాపం చెందిన గూగుల్ సీఈఓ..ఎందుకంటే?
వచ్చేవారం ఏకంగా 11 కంపెనీలు ఐపీఓకు రావడంతో ఇన్వెస్టర్లు సిద్ధమవుతున్నారు. ఐపీఓకు వస్తున్న కంపెనీల్లో ముత్తూట్ మైక్రోఫిన్, మోతీసన్స్ జువెలర్స్, హ్యాపీ ఫోర్జింగ్స్ వంటివి ఏడు మెయిన్ బోర్డు ఐపీఓలు ఉండటం విశేషం. అదేవిధంగా ఎస్ఎంఈ సెగ్మెంట్‌లో కూడా మరో నాలుగు కంపెనీలు ఐపీఓకు వచ్చాయి. ముఫ్తీ జీన్స్, సూరజ్‌ ఎస్టేట్‌ డెవలపర్స్‌, ఆర్‌బీజడ్‌ జువెలర్స్, ఆజాద్‌ ఇంజినీరింగ్‌ వంటివి నిధుల సమీకరణకు ముందుకొచ్చాయి.
చదవండి: Biomethane: ఆవు పేడతో రాకెట్‌ను నడిపారు..జపాన్‌ సైంటిస్టుల ప్రయోగం సక్సెస్
ఇకపోతే ఈ కంపెనీలే కాకుండా ఎస్ఎంఈ సెగ్మెంట్‌లో సహారా మారిటైమ్‌ ఐపీఓ డిసెంబర్‌ 18న ప్రారంభం కానుంది. రూ.7 కోట్లు సమీకరించనుండగా రూ.80 కోట్లతో ఎలక్ట్రోఫోర్స్‌, రూ.31.25 కోట్లు సమీకరించేందుకు శాంతి స్పిన్‌టెక్స్‌ సంస్థలు డిసెంబర్‌ 19న ఐపీఓకు రానున్నట్లు తెలిపాయి. డిసెంబర్‌ 21న ట్రిడెంట్‌ టెక్‌ల్యాబ్స్‌ ఐపీఓ ద్వారా రూ.16 కోట్ల నిధులను సమీకరించనుంది. ఇకపోతే 2024లో ఐపీఓకు వచ్చేందుకు 65 సంస్థలు దరఖాస్తు చేసుకున్నట్లు సమాచారం.
