Huge gold are recovered at vijayawada railway station
Gold and Silver Rates Today : పసిడిని కొనుక్కోవాలని, పెట్టుబడి మార్గంగా మలుచుకోవాలని ఆలోచనల్లో ఉన్న వారు రోజువారీ పసిడి రేట్లను తెలుసుకుంటూ ఉండటం అత్యావస్యకం. మరి ఇవాల్టి బంగారం, వెండి ధరలు ఎలా ఉన్నాయో తెలుసుకోవడానికి ఇది చదివేయండి. దేశీయ మార్కెట్లో పసిడి ధర సోమవారం మళ్లీ భారీగా పెరిగింది. గత వారం రూ.70 వేల మార్కును చేరుకున్న పసిడి ఈ వారం ప్రారంభంలోనూ అదే జోరును కొనసాగిస్తోంది. ఆదివారం 10 గ్రాముల బంగారం ధర రూ.70,130 ఉండగా, సోమవారం నాటికి రూ.970 పెరిగి రూ.71,110కు చేరుకుంది.
చదవండి : భార్యతో కలిసి స్టెప్పులేసిన రాజమౌళి.. వీడియో వైరల్‌
హైదరాబాద్‌, విజయవాడ, విశాఖపట్నం, ప్రొద్దుటూరు తదితర ప్రధాన పట్టణాల్లోనూ పది గ్రాముల పసిడి ధర(Gold Rate) రూ.71,110గా కొనసాగుతోంది. ఈ ధరలు మార్కెట్‌ ప్రారంభ సమయంలో ఉన్నవని గుర్తుంచుకోవాలి. కొనుగోలుదారులు నగల్ని కొనుగోలు చేస్తున్నప్పుడు జీఎస్టీ, మజూరీల్లాంటివి అదనంగా తోడవుతాయని గమనించుకోవాలి.
చదవండి : యాంటీ బయాటిక్స్‌, పెయిన్‌కిల్లర్లు ఇక మరింత ప్రియం
దేశీయ మార్కెట్లలో కిలో వెండి ధర(Silver Rate) సైతం చెప్పుకోదగ్గ మేర పెరిగింది. ఆదివారం కిలో వెండి ధర రూ.77,258 ఉండగా, సోమవారం నాటికి రూ.654 పెరిగి రూ.77,912కు చేరుకుంది. హైదరాబాద్‌, విజయవాడ, విశాఖపట్నం, ప్రొద్దుటూరుల్లోనూ దాదాపు ఇదే ధరలు కొనసాగుతున్నాయి. వెండి, బంగారం రెండూ కూడా భారీగా పెరుగుతుండటం గమనార్హం.
ఇక అంతర్జాతీయ మార్కెట్లో స్పాట్ గోల్డ్ ధరలు సైతం భారీగా పెరుగుతున్నాయి. ఆదివారం ఔన్స్ స్పాట్ గోల్డ్ ధర 2,233 డాలర్లు ఉండగా, సోమవారం నాటికి 30 డాలర్లు పెరిగి 2,263 డాలర్లకు చేరుకుంది. ప్రస్తుతం ఔన్స్ సిల్వర్ ధర 25.22 డాలర్లుగా ఉంది.
