ఎంపీ కోమటిరెడ్డి వెంకట్ రెడ్డి చేసిన కామెంట్స్… తెలంగాణ కాంగ్రెస్ లో తీవ్ర కలకలం రేపాయి. ఆయన కామెంట్స్ కి సర్దుబాటు చర్యల్లో కాంగ్రెస్ అధిష్టానం ఉంది. కాగా తాజాగా… కోమటిరెడ్డి కామెంట్స్ పై రేవంత్ రెడ్డి స్పందించారు. పార్టీకి నష్టం కలిగించేలా ఎవరు మాట్లాడినా ఉపేక్షించబోమన్నారు.
పార్టీకి నష్టం కలిగించేలా ఎవరూ మాట్లాడవద్దని ఇప్పటికే ఆదేశాలు జారీ చేశామన్నారు. ఆదేశాలను ధిక్కరించి పార్టీకి నష్టం కలిగించేలా మాట్లాడే వారిపై అధిష్టానం అంతర్గతంగా చర్చించి నిర్ణయం తీసుకుంటుందని ఆయన చెప్పారు.
బీఆర్ఎస్‌తో ఉండబోదని ఇప్పటికే తమ పార్టీ అగ్రనేత రాహుల్ గాంధీ వరంగల్‌లో కుండబద్దలు కొట్టారని అన్నారు. రాష్ట్రంలో రాబోయేది తమ ప్రభుత్వమేనని ఆయన ఆశాభావం వ్యక్తం చేశారు. మంత్రి ఎర్రబెల్లి దయాకర రావు దౌర్జన్యాలపై ఇక్కడి ప్రజలు కథలు కథలుగా చెప్పుకుంటున్నారని ఆయన అన్నారు.
