AP Election 2024: ఏపీలో వైసీపీ ఎన్నికల మేనిఫెస్టో విడుదల తేదీని ఖరారు చేసింది. ఈ విషయాన్ని రాజ్యసభ సభ్యుడు విజయసాయిరెడ్డి ప్రకటించారు. ఏపీలో రాజకీయాలు రోజుకో రోజు కాకుండా రాత్రికి రాత్రే మారుతున్నాయి. నిన్నటికి మొన్న టీడీపీలో ఉన్న నేతలు వైసీపీలో చేరుతుంటే.. కొందరు నేతలు వైసీపీని వీడి టీడీపీ కండువా కప్పుకుంటున్నారు. ఇదిలా ఉండగా అభ్యర్థుల జాబితా టీడీపీ నేతల్లో కొంత అయోమయం కలిగిస్తోంది.ఇదే అదనుగా భావించిన వైఎస్ఆర్సీపీ మ్యానిఫెస్టోపై కసరత్తు చేస్తోంది. నిన్న సీఎం వైఎస్ జగన్ అధ్యక్షతన జరిగిన సమావేశంలో పార్టీ నేతలతో మేనిఫెస్టోపై సుదీర్ఘంగా చర్చించారు. ఈ మేరకు మేనిఫెస్టోను సిద్ధం చేసినట్లు తెలుస్తోంది. ఇప్పటికే మూడు ప్రాంతాల్లో సిద్దం సభలు నిర్వహించిన సీఎం వైఎస్ జగన్ నాలుగో సభకు ఏర్పాట్లు చేస్తున్నారు. బాపట్ల జిల్లా మేదరమెట్లలో జరగనున్న సిద్దం బహిరంగ సభ ఏర్పాట్లను ఎంపీ విజయసాయిరెడ్డి పర్యవేక్షిస్తున్నారు.
చదవండి:Alahabad High Court : పెళ్లి తర్వాత లివ్ ఇన్ అంటే కుదరదన్న అలహాబాద్ హైకోర్టు
ఈ అసెంబ్లీలో వైఎస్సార్సీపీ రూపొందించిన కొత్త మేనిఫెస్టోను విడుదల చేయనున్నట్టు ఇటీవల మీడియాకు వివరించారు. ఈ క్రమంలో సిద్దం సభ పోస్టర్ కూడా విడుదల చేశారు. మార్చి 10న జరిగే మేదరమిట్ల సభలో దాదాపు 15 లక్షల మంది వైసీపీ కార్యకర్తలు పాల్గొనేలా ప్రణాళికలు సిద్ధం చేశామని.. అన్ని ఏర్పాట్లు పూర్తి చేస్తున్నామని చెప్పారు. నాలుగేళ్ల 10 నెలల్లో కార్యకర్తలకు సీఎం జగన్ దిశానిర్దేశం చేస్తారన్నారు. సీఎం జగన్ బీసీలకు అధిక ప్రాధాన్యత ఇచ్చారని, టీడీపీ ఏనాడూ బీసీలకు టికెట్లు ఇవ్వలేదని విమర్శించారు. అలాగే మార్చి 10న ఎన్నికలకు నోటిఫికేషన్ వచ్చే అవకాశం ఉందని.. ఇప్పటికే టీడీపీ సూపర్ సిక్స్ అంటూ కొన్ని పథకాలను ప్రకటించింది. అయితే టీడీపీ ప్రవేశపెట్టనున్న అంశాలు ఒకేలా ఉంటాయా లేక వైసీపీ ప్రవేశపెట్టబోతున్న వాటికి భిన్నంగా ఉంటుందా అనేది ఆసక్తికరంగా మారింది.
చదవండి:Atchannaidu: సీఎం జగన్‌కు అచ్చెన్నాయుడు బహిరంగ లేఖ
