ఎన్ని చట్టాలు వచ్చినా.. ఎంత కఠిన చర్యలు తీసుకుంటున్నా గంజాయి (Marijuana) విక్రయాలు మాత్రం యథేచ్చగా జరుగుతున్నాయి. ఆ గంజాయి మత్తు చాలా ప్రమాదకరం. అది సేవించిన వారి ఆరోగ్యంపై తీవ్రంగా ప్రభావం చూపుతుంది. అయినా కూడా మత్తులో మునిగేందుకు చాలా మంది గంజాయి పీలుస్తున్నారు. ఈ గంజాయి మైకంలో దారుణాలకు పాల్పడ్డుతున్నారు. తాజాగా హైదరాబాద్ (Hydrabad) శివారులో గంజాయి గ్యాంగ్ రెచ్చిపోయింది. బాలుడిపై విచక్షణా రహితంగా దాడికి పాల్పడింది. బాలుడి బట్టలు విప్పి.. బెల్టుతో కొడుతూ చిత్రహింసలకు పాల్పడింది. ఈ సంఘటన రంగారెడ్డి జిల్లా (RangaReddy District) మైలార్‌దేవ్‌పల్లి (Mylardevpally)లో చోటుచేసుకుంది.
చదవండి: Adenovirus భారత్ లో మరో వైరస్ కలకలం.. చిన్నారులు జాగ్రత్త
గంజాయి సేవించిన మహమ్మద్ సైఫ్, అబ్బూ, సమీర్‌తోపాటు మరో ఐదుగురు మైలార్‌దేవ్‌పల్లిలోని ఓ కిరాణా దుకాణానికి వచ్చారు. దుకాణంలో కూర్చున్న బాలుడితో వాగ్వాదానికి దిగాడు. ఈ క్రమంలో మత్తులో ఉన్న వారు తీవ్ర ఆగ్రహం వ్యక్తం చేస్తూ బాలుడిని ఎత్తుకెళ్లారు. బలవంతంగా సమీపంలోని గుట్టల వద్దకు తీసుకెళ్లారు. గంజాయికి డబ్బులు ఇవ్వాలని బాలుడి బట్టలు విప్పి బెల్ట్, కర్రలతో తీవ్రంగా కొట్టారు. ఈ క్రమంలోనే మా ఇంట్లో చెబుతానని బాలుడు ‘నీకు దిక్కున్న చోట చెప్పుకో పో.. ఇప్పటికే ఇద్దరిని హత్య చేశాం’ అని ఆ దుండుగులు చెప్పినట్లు తెలుస్తున్నది. అయితే ఈ చిత్రహింసలు తాళలేక గంజాయి గ్యాంగ్ నుంచి బాలుడు ఎలాగోలా తప్పించుకొని ఇంటికి చేరుకున్నాడు.
చదవండి: హైదరాబాదోళ్ల పెళ్లంటే అట్లుంటది.. హెలీకాప్టర్ లో వెళ్లి పత్రికలు పంపిణీ
తీవ్ర గాయాలవడంతో బాలుడి కుటుంబసభ్యులు ఆందోళన చెందారు. ఏం జరిగిందని ఆరా తీయగా పిల్లాడు నోరు విప్పాడు. ఈ దారుణ ఘటన విషయమై బాలుడి తల్లిదండ్రులు మైలార్‌దేవ్‌పల్లి పోలీస్ స్టేషన్‌ (Mylardevpally Police Station)లో ఫిర్యాదు చేశారు. కాగా గాయాలపాలైన బాలుడిని ఆస్పత్రికి తరలించారు. వారి ఫిర్యాదు మేరకు మహమ్మద్ సైఫ్, అబ్బూ, సమీర్‌తోపాటు మరో ఐదుగురిపై ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు మైలార్‌దేవ్‌పల్లి పోలీసులు తెలిపారు. గంజాయి సరఫరాను కట్టడి చేయాలని ఈ సందర్భంగా స్థానిక ప్రజలు కోరుతున్నారు. గంజాయి వలన తమ ప్రాంతంలో తరచూ ఏదో ఒక సంఘటన చోటుచేసుకుంటుందని స్థానికులు (Local People) ఆవేదన వ్యక్తం చేస్తున్నారు.
