ఇస్రో (ISRO) కీలక ప్రకటన చేసింది. చంద్రయాన్-3 (Chandrayan-3) ప్రయోగం విజయవంతమయ్యేందుకు ఇస్రో పక్కా ప్రణాళిక వేసినట్లు తెలిపింది. రాబోయే సమస్యలు అన్నింటినీ పరిగణలోకి తీసుకుని చంద్రయాన్-3 ప్రయోగాన్ని డిజైన్ చేసినట్లు వెల్లడించింది. రష్యా ప్రయోగించిన లూనా-25 ల్యాండర్ చంద్రుడిపై చివరి నిమిషంలో కుప్పకూలిపోయిన తరుణంలో ఇస్రో శాస్త్రవేత్త ఈ విషయాన్ని తెలిపారు. ల్యాండర్ మాడ్యూల్‌కు సంబంధించి ప్రతికూలతలు తలెత్తితే ల్యాండింగ్ తేదీని మారుస్తామని వారు వెల్లడించారు.
చదవండి: Google Playstore: ప్లే స్టోర్‌లో 43 డేంజర్ యాప్స్.. డిలీట్ చేయాలని యూజర్లకు గూగుల్ వార్నింగ్
ఆగస్టు 27న విక్రమ్ ల్యాండర్ సాఫ్ట్ ల్యాండింగ్ కోసం ప్రయత్నిస్తామని, ప్రస్తుత ప్రణాళిక ప్రకారం ఆగస్టు 23 సాయంత్రం 6.04 గంటలకు జాబిల్లిపై విక్రమ్ దిగేందుకు ముహూర్తం ఖరారు చేసినట్లు ఇస్రో వెల్లడించింది. ఆగస్టు 23న చంద్రుడి ఉపరితలంపై ల్యాండర్ దిగడానికి రెండు గంటల ముందు ఓసారి అన్ని అంశాలను పరిశీలిస్తామని, ల్యాండర్ స్థితిగతులు, చంద్రుడిపై పరిస్థితులను బేరీజు వేసుకున్నాకే దిగాలా? వద్దా? అనేది నిర్ణయిస్తామని వారు తెలిపారు.
చదవండి: Meteorite: ఉల్క అని తెలియక 80 ఏళ్లు మెట్టులా వాడాడు..దాని విలువ రూ.70 లక్షలని తెలిసి షాక్
ఒకవేళ పరిస్థితులు అనుకూలంగా లేకపోతే ఆగస్టు 24కు ల్యాండింగ్ తేదీని మార్చనున్నట్లు ఇస్రో శాస్త్రవేత్త ఒకరు ప్రకటన చేశారు. చంద్రయాన్-2 వైఫల్యంతో నేర్చుకున్న అనుభవాలను మిళితం చేస్తూ చంద్రయాన్-3ని (Chandrayan-3) ఇస్రో శాస్త్రవేత్తలు రూపొందించినట్లు గుర్తు చేశారు. ప్రస్తుతం చంద్రుడిపై దిగేందుకు అనువైన పరిస్థితుల కోసం విక్రమ్ ల్యాండర్ వేచిచూస్తోందని అన్నారు.
