విలువైన రాయి (Stone) అని తెలియక ఓ రైతు దానిని తలుపు వద్ద మెట్టు (Steps)గా పెట్టాడు. 80 ఏళ్ల పాటు ఆ రాయి వారికి మెట్టులాగే ఉండిపోయింది. ఎన్నో ఏళ్ల తర్వాత దానిని మరొకరు చూడగా అది రాయి కాదని తెలిసింది. ఎంతో విలువైన వస్తువని గుర్తించడంతో ఆ రైతును ధనలక్ష్మి వరించింది. ఈ ఆశ్చర్యకర సంఘటన అమెరికా(America)లోని మిచిగన్‌లో చోటుచేసుకుంది. పొలంలో తనకు కనిపించిన రాయిని ఆ రైతు ఇంటి ముందు మెట్టుగా పెట్టాడు. అయితే అది శాస్త్ర పరిశోధన పరంగా ఉల్క (Meteorite). 10 కేజీల బరువుండే ఆ ఖనిజం విలువ రూ.70 లక్షలు ఉంటుంది.
చదవండి: Forbes Magazine: ఫోర్బ్స్ మ్యాగజైన్‌లో తెలుగు కుర్రాడు..కొత్త టెక్నాలజీ అదుర్స్
2018లో సెంట్ర‌ల్ మిచిగాన్ యూనివర్సిటీకి చెందిన మోనా సిర్‌బెస్కు అనే జియాల‌జిస్టు తన పరిశోధనలో భాగంగా ఓ రైతు ఇంటికి వెళ్లారు. అక్కడే రైతు ఇంటి వద్ద ఉన్న ఉల్క(Meteorite)ను చూశారు. అది విలువైనదని, అరుదైనదని గుర్తిచంారు. ఆ రాయికి ఎడ్మోర్ మెటరాయిట్ అనే పేరును ఖరారు చేశారు. రైతు డేవిడ్ మజూర్క్ తాను 1988లో ఓ పొలం కొనగా అందులో ఆ రాయిని గుర్తించినట్లు తెలిపారు. 1930లో ఆకాశంలో నుంచి ఏదో తమ పొలంలో పడిందని, అది పొలంలోని తమ భవనంపై పడటంతో తమకు తీవ్ర నష్టం కలిగినట్లు తెలిపాడు.
చదవండి: Nobel Record: నోబెల్ రికార్డ్ సాధించిన 8 నెలల చిన్నారి..పాప ట్యాలెంట్‌కు ఫిదా
అక్కడ దొరికిన రాయిని తమ పొలంలోనే ఉంచామని రైతు డేవిడ్ మజూర్క్ తెలిపారు. మిచిగాన్ యూనివర్సిటీ (University of Michigan) ఆ రైతుకు సుమారు రూ.70 లక్షలు చెల్లించిన తర్వాత ఆ ఉల్కను స్వాధీనం చేసుకుంది. ఆ ఉల్కను యూనివర్సిటీకి చెందిన అబ్రామ్స్ ప్లానిటోరియంలో శాశ్వతంగా ప్రదర్శనకు ఉంచినట్లు పరిశోధకులు (Scientists) తెలిపారు.
