భాగ్యనగరం(Hyderabad)లో ఫేక్ నోట్ల ముఠా(Fake notes gang)ను పోలీసులు పట్టుకున్నారు. ఈ క్రమంలో వారి నుంచి 30 లక్షల విలువైన నకిలీ నోట్లను స్వాధీనం చేసుకున్నారు. ఈ నేపథ్యంలో దాదాపు 13 మందిని సైబరాబాద్ పోలీసులు అరెస్ట్ చేశారు. వారిలో ఇతర రాష్ట్రాలకు చెందిన వారు కూడా ఉన్నట్లు పోలీసులు తెలిపారు. చెన్నై, హైదరాబాద్, బెంగళూరుకు చెందిన వారు కూడా ఉన్నారని పోలీసులు(police) వివరాలను వెల్లడించారు.
అయితే ఈ ముఠా నాలుగు రాష్ట్రాల్లో ఫేక్ కరెన్సీని ఆపరేట్ చేస్తుందని పోలీసులు తెలిపారు. ఆ క్రమంలో తెలంగాణ, తమిళనాడు, కర్ణాటక, ఏపీలో వారు నకిలీ నోట్లను చలామణి చేస్తున్నట్లు సీపీ(CP) స్టీఫెన్ రవీంద్ర చెప్పారు. అయితే నిందితుల్లో రాజేష్ అనే వ్యక్తి ప్రధానంగా ఉన్నట్లు పేర్కొన్నారు. అతను ఓ ఇంటర్నేషనల్ స్కూల్లో డ్యాన్స్ టీచర్ గా పని చేస్తున్నట్లు చెప్పారు.
ఈ నేపథ్యంలో రాజేష్ కు లక్ష రూపాయలు ఇస్తే మూడు లక్షల రూపాయల నకిలీ కరెన్సీని ఇస్తూ దాందా చేస్తున్నట్లు వెలుగులోకి వచ్చిందని తెలిపారు. రాజేష్ చెన్నై వెళ్లి ఈ ఫేక్ నోట్లను మారుస్తున్నట్లు సీపీ వెల్లడించారు.
ఇది కూడా చూడండి: Attack: ప్రేమను అంగీకరించలేదని.. కళ్లల్లో కారం చల్లి, యువతిపై దాడి..!
