ICC వరల్డ్ టెస్ట్ ఛాంపియన్‌షిప్(wtc final 2023) చివరి మ్యాచ్ భారత్, ఆస్ట్రేలియా మధ్య జూన్ 7 నుంచి 11 వరకు లండన్‌లోని ఓవల్ మైదానంలో జరుగనుంది. 2021 తర్వాత భారత జట్టు వరుసగా రెండోసారి ఫైనల్‌కు చేరుకుంది. చివరిసారిగా ఫైనల్‌లో న్యూజిలాండ్ చేతిలో భారత్ ఓటమిని చవిచూడాల్సి వచ్చింది. అయితే ఈసారి మాత్రం చరిత్ర సృష్టించడానికి ఇండియా జట్టు తన శాయశక్తులా ప్రయత్నిస్తుంది. ఈ గొప్ప మ్యాచ్‌కు ముందు కంగారూ జట్టులోని ఏడుగురు ఆటగాళ్లు భారత స్టార్ బ్యాట్స్‌మెన్ విరాట్ కోహ్లీ(virat Kohli)గురించి కీలక వ్యాఖ్యలు చేస్తూనే ఉన్నారు.
ఐపీఎల్ తర్వాత భారత జట్టు ఆటగాళ్లు వివిధ గ్రూపులుగా ఇంగ్లండ్ చేరుకున్నారు. ఆస్ట్రేలియా(Australia team) ఇప్పటికే అక్కడ సన్నాహాల్లో బిజీగా ఉంది. మరోవైపు, ఇంటర్నేషనల్ క్రికెట్ కౌన్సిల్ తన ఇన్‌స్టాగ్రామ్ హ్యాండిల్‌లో ఒక వీడియోను పంచుకుంది. దీనిలో ఆస్ట్రేలియా ఆటగాళ్లతోపాటు పలువురు విరాట్ కోహ్లీ గురించి వారు తమ అభిప్రాయాన్ని తెలియజేశారు. వారిలో కెమెరా గ్రీన్, డేవిడ్ వార్నర్, మిషెల్ స్టార్క్, స్టీవ్ స్మిత్, మార్నస్ లాబుఖాన్, కప్తాన్ పేట్ కమిన్స్ సహా పలువురు ఉన్నారు.
ఇది కూడా చూడండి: Ashwini Vaishnaw: రైలు ప్రమాదానికి గల కారణం గుర్తించాం
తమ జట్టుపై విరాట్(virat) దూకుడుగా ఆడతాడని ఆసీస్ ఆల్ రౌండర్ కామెరున్ గ్రీన్ తెలిపారు. కీలక సమయాల్లో సపోర్టుగా ఉంటాడని అభిప్రాయం వ్యక్తం చేశారు. ఉస్మాన్ ఖ్వాజా కోహ్లీని పోటీగా అభివర్ణించాడు. అదే సమయంలో స్టార్క్ కోహ్లీని చాలా నైపుణ్యం కలిగిన బ్యాట్స్‌మెన్‌గా అభివర్ణించాడు. భారత మిడిల్ ఆర్డర్‌కు కోహ్లీ వెన్నెముక అని స్టార్క్ పేర్కొన్నారు. అదే సమయంలో ఆస్ట్రేలియా కెప్టెన్ పాట్ కమిన్స్ విరాట్‌ను “మంచి ఆటగాడు. ఎల్లప్పుడూ పోరాటానికి సిద్ధంగా ఉంటాడని వెల్లడించారు.
View this post on Instagram
ఇక ఆస్ట్రేలియాపై కోహ్లి టెస్టు రికార్డు అద్భుతంగా ఉందని చెప్పవచ్చు. ఆస్ట్రేలియాతో విరాట్ మొత్తం 24 టెస్టు మ్యాచ్‌లు ఆడాడు. ఈ సమయంలో 42 ఇన్నింగ్స్‌లలో 48.27 సగటుతో 1,979 పరుగులు చేశాడు. ఇందులో 8 సెంచరీలు, 5 హాఫ్ సెంచరీలు ఉన్నాయి. అతను మూడుసార్లు సున్నా వద్ద ఔటయ్యాడు. ఆస్ట్రేలియాపై కోహ్లీ అత్యధిక స్కోరు 186.
ఇది కూడా చూడండి: West Bengal: స్టూడెంట్ ను ప్రేమించినందుకు టీచరుకు రూ.8లక్షల జరిమానా
