NLR: ఎండల తీవ్రత పట్ల ప్రజలందరూ అప్రమత్తంగా ఉండాలని జిల్లా అదనపు వైద్య ఆరోగ్యశాఖ అధికారి డాక్టర్ ఖాదరవల్లి సూచించారు. సోమవారం ఇందుకూరుపేట మండలం జగదేవిపేట ప్రాథమిక ఆరోగ్య కేంద్రంలో పరిధిలో వైద్య సిబ్బంది పర్యటించారు. సన్ స్ట్రోక్ ఎక్కువ ఉన్నందున ఓఆర్ఎస్, అత్యవసర మందులు అందుబాటులో ఉంచుకోవాలన్నారు.
తిరుపతి, చిత్తూరు జిల్లా మీదుగా 2 హైస్పీడ్ బుల్లెట్ ట్రైన్ కారిడార్లు ఏర్పాటు కానున్నాయి. మైసూరు-చెన్నై కారిడార్లో భాగంగా CTR- TPT మీదుగా నాయుడుపేటకు లింక్ ఏర్పాటు చేయాలని సీఎం చంద్రబాబు కోరగా కేంద్రం అమోదించింది. దీంతో నెల్లూరు, నాయుడుపేట, శ్రీసిటీ మీదుగా చెన్నైకి ఒక కారిడార్, నాయుడుపేట, TPT, CTR, బంగారుపేట, బెంగళూరు, మండ్య మీదుగా మైసూరుకు మరో కారిడార్ ఏర్పాటు కానుంది.
E.G: నిరుపేదల ఆరోగ్య భద్రతే ధ్యేయంగా కూటమి ప్రభుత్వం పనిచేస్తోందని, ఆపదలో ఉన్న వారికి CMRF ఒక సంజీవనిలా మారుతోందని మంత్రి కందుల దుర్గేష్ అన్నారు. సోమవారం పెరవలి మండలం తీపర్రులో ఏర్పాటు చేసిన కార్యక్రమంలో 108 మంది లబ్ధిదారులకు రూ. 54,45,187 విలువైన CMRF చెక్కులు & LOC పత్రాలను ఆయన పంపిణీ చేశారు. ఈ కార్యక్రమంలో కూటమి నాయకులు పాల్గొన్నారు.
GNTR: తాడేపల్లి పోలీస్ స్టేషన్ పరిధిలోని సలాం సెంటర్ ప్రాంతంలో సోమవారం కార్డన్ అండ్ సెర్చ్ ఆపరేషన్ నిర్వహించారు. జిల్లా ఎస్పీ వకుల్ జిందాల్ ఆదేశాల మేరకు, నార్త్ డీఎస్పీ మురళీకృష్ణ పర్యవేక్షణలో, సీఐ వీరేంద్రబాబు నేతృత్వంలో ఈ తనిఖీలు చేపట్టారు. సరైన పత్రాలు లేని 70 ద్విచక్ర వాహనాలు, 6 ఆటోలను స్వాధీనం చేసుకున్నారు.
BPT: ఈ నెల 9న సీఎం చంద్రబాబు సూరేపల్లెకు రానున్నారు. ఆయన పర్యటనకు అధికారులు ముమ్మరంగా ఏర్పాట్లు చేస్తున్నారు. జిల్లా కలెక్టర్ వి.వినోద్ కుమార్, ఎస్పీ ఉమామహేశ్వర్ క్షేత్రస్థాయిలో పనులను పర్యవేక్షించారు. సీఎం పర్యటనలో భద్రత, ప్రోటోకాల్పై అధికారులకు పలు సూచనలు చేశారు. ఎలాంటి లోపాలు లేకుండా పకడ్బందీగా ఏర్పాట్లు పూర్తి చేయాలన్నారు.
VZM: బొండపల్లి పోలీస్ స్టేషన్లో ఎస్సై మహేష్ సోమవారం మైనర్ వాహన చోదకులకు, వారి తల్లిదండ్రులకు కౌన్సెలింగ్ నిర్వహించారు. మైనర్లు డ్రైవింగ్ చేయడం వల్ల జరిగే ప్రమాదాలు, ప్రాణనష్టంపై అవగాహన కల్పించారు. లైసెన్స్, హెల్మెట్ లేకుండా వాహనాలు నడపడం వల్ల కలిగే అనర్థాలను వివరించి, వారితో ప్రతిజ్ఞ చేయించారు. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు.
ATP: టీడీపీ జాతీయ ప్రధాన కార్యదర్శి, రాష్ట్ర విద్యా శాఖ మంత్రి నారా లోకేష్ను సోమవారం ఉండవల్లిలోని ఆయన నివాసంలో గుంతకల్ మాజీ ఎమ్మెల్యే, టీడీపీ రాష్ట్ర ఉపాధ్యక్షులు జితేంద్ర గౌడ్ మర్యాదపూర్వకంగా కలిశారు. యువ నేత లొకేష్తో ప్రత్యేకంగా భేటీ అయ్యారు. ప్రస్తుతం నియోజకవర్గంలోని సమస్యలు, పార్టీ అభివృద్ధి గురించి నారా లోకేష్ మాజీ ఎమ్మెల్యేను ఆరా తీశారు.
నెల్లూరు నగరపాలక సంస్థ కార్యాలయంలో సోమవారం ప్రజా సమస్యల పరిష్కరివేదిక కార్యక్రమాన్ని నిర్వహించారు. మేయర్ సుజాత అశోక్, కమిషనర్ నందన్ పాల్గొని అర్జీ దారుల నుంచి వినతి పత్రాలను స్వీకరించారు. మొత్తం 49 వినతులు స్వీకరించినట్లు అధికారులు తెలియజేశారు. ప్రజా సమస్యలు త్వరగా పరిష్కరిస్తామని ఈ సందర్భంగా తెలియజేశారు.
AKP: గ్రామాల పరిశుభ్రతకు స్వచ్ఛరథం దోహదపడుతున్నట్లు కోటవురట్ల ఎంపీడీవో చంద్రశేఖర్ అన్నారు. సోమవారం లింగాపురం, టి. జగ్గంపేట గ్రామాలకు స్వచ్ఛ రథంతో పాటు ఎంపీడీవో వెళ్లారు. ప్రజల్లో స్వచ్ఛరథంపై అవగాహన కల్పించారు. చిత్తు కాగితాలు, అట్టపెట్టెలు, పనికిరాని ఇనుప సామాన్లు ఇచ్చి కావలసిన నిత్యవసర సరుకులను తీసుకువెళ్లాలని గ్రామస్తులకు సూచించారు.
NDL: కోవెలకుంట్లలో సోమవారం బీజేపీ 47వ ఆవిర్భావ దినోత్సవ వేడుకలు ఘనంగా జరిగాయి. మండల అధ్యక్షుడు లోకేశ్ రెడ్డి ఆధ్వర్యంలో పార్టీ జెండాను ఆవిష్కరించి, కేక్ కట్ చేశారు. ఆయన మాట్లాడుతూ.. పార్టీని క్షేత్రస్థాయి నుంచి బలోపేతం చేయాలని కార్యకర్తలకు పిలుపునిచ్చారు. కేంద్ర ప్రభుత్వం చేపడుతున్న సంక్షేమ, అభివృద్ధి పథకాలను ప్రజల్లోకి తీసుకెళ్లాలని కోరారు.
ప్రకాశం: గిద్దలూరు పట్టణంలోని టీడీపీ కార్యాలయంలో సోమవారం ప్రజా దర్బార్ కార్యక్రమం జరిగింది. ఎమ్మెల్యే అశోక్ రెడ్డి ప్రజా సమస్యలపై అర్జీలను స్వీకరించారు. వచ్చిన అర్జీలు అన్నిటినీ పరిశీలించి సంబంధిత అధికారులతో మాట్లాడి పరిష్కరిస్తామని అన్నారు. కూటమి ప్రభుత్వం ప్రజా సమస్యల పరిష్కారానికి కృషి చేస్తుందని అశోక్ రెడ్డి పేర్కొన్నారు.
NTR: విజయవాడలో జిల్లా కలెక్టరేట్ వద్ద మొక్కజొన్న రైతుల సమస్యలపై ఆందోళన జరిగింది. మాజీ ఎమ్మెల్యే మొండితోక జగన్మోహనరావు రైతులతో కలిసి పీజీఆర్ఎస్లో వినతిపత్రం అందించారు. గిట్టుబాటు ధర కల్పించి, నందిగామ డీస్టీలరీలు రైతుల నుంచి పంట కొనుగోలు చేయాలని డిమాండ్ చేశారు. సమస్యలు పరిష్కరించకపోతే పోరాటం చేస్తామని హెచ్చరించారు.
ATP: యాడికి పర్యటనకు విచ్చేసిన CM చంద్రబాబు నాయుడుకు ఎమ్మెల్యే పరిటాల సునీత ఘన స్వాగతం పలికారు. ఉమ్మడి జిల్లా ప్రజాప్రతినిధులు, తెలుగుదేశం పార్టీ కీలక నేతలతో కలిసి ఆమె ముఖ్యమంత్రికి పుష్పగుచ్ఛం అందించి స్వాగతం పలికారు. జిల్లా అభివృద్ధిపై ముఖ్యమంత్రితో చర్చించారు. ఈ సందర్భంగా పార్టీ శ్రేణులు భారీ ఎత్తున తరలివచ్చి జై బాబు నినాదాలతో హోరెత్తించారు.
E.G: రోడ్ల నిర్మాణం, నిర్వహణలో నాణ్యతా ప్రమాణాలపై ఎలాంటి రాజీ ఉండకూడదని కమిషనర్ రాహుల్ మీనా స్పష్టం చేశారు. ఆదర్శ్ నగర్, మహాలక్ష్మి టెంపుల్ పార్క్ వద్ద ఇంజినీరింగ్ అధికారులతో కలిసి పనులను ఇవాళ పరిశీలించారు. పూర్తి చేసిన రహదారుల నాణ్యతపై సంతృప్తి వ్యక్తం చేస్తూ.. క్వాలిటీ కంట్రోల్ అధికారులు పనులను కచ్చితంగా తనిఖీ చేయాలని ఆదేశించారు.
CTR: చిత్తూరు నగరపాలక కార్యాలయంలో సంబంధిత శాఖల అధికారులతో రాష్ట్ర మున్సిపల్ శాఖ మంత్రి పి. నారాయణ సమీక్ష సమావేశం నిర్వహించారు. నగరపాలక, పట్టణాభివృద్ధి సంస్థల్లో జరుగుతున్న అభివృద్ధి పనులు, మంత్రి వివరించారు. పురపాలక పన్నుల వసూళ్లపై దిశ నిర్దేశం చేశారు. ఈ కార్యక్రమంలో కలెక్టర్ సుమిత్ కుమార్, ఎమ్మెల్యే గురజాల జగన్మోహన్, పలువురు ఎమ్మెల్యేలు, ఇతర అధికారులు పాల్గొన్నారు.
