CTR: బీ.ఆర్.అంబేద్కర్ జయంతి సందర్భంగా చిత్తూరు దర్గా సర్కిల్లోని అంబేద్కర్ విగ్రహానికి జిల్లా కలెక్టర్ సుమిత్ కుమార్ పూలమాలలు వేసి ఘనంగా నివాళులర్పించారు. ఈ సందర్భంగా అంబేద్కర్ గారి సేవలను స్మరించుకుంటూ, సమాజంలోని అణగారిన వర్గాల అభ్యున్నతికి ఆయన చేసిన కృషిని కొనియాడారు. అనంతరం నిర్వహించిన ర్యాలీలో పాల్గొన్నారు. ఈ కార్యక్రమంలో స్థానికులు పాల్గొన్నారు.
ప్రకాశం: కనిగిరిలో పీఎం సూర్య ఘర్ పథకం కింద SC, ST కాలనీల సౌరీకరణ కార్యక్రమాన్ని ఎమ్మెల్యే ముక్కు ఉగ్ర నరసింహారెడ్డి ప్రారంభించారు. ఎమ్మెల్యే మాట్లాడుతూ.. సౌర విద్యుత్ వినియోగంతో పేద కుటుంబాలకు విద్యుత్ ఖర్చులు తగ్గి, పర్యావరణ పరిరక్షణకు తోడ్పడుతుందని తెలిపారు. ఈ కార్యక్రమంలో అధికారులు, స్థానిక ప్రజాప్రతినిధులు ,పార్టీ నాయకులు పాల్గొన్నారు.
GNTR: అమరావతిలో వరద సమస్య పరిష్కారానికి ఏడీసీఎల్ చర్యలు వేగవంతం చేసింది. వరద నివారణ పనుల కోసం తాజాగా బిడ్లు ఆహ్వానించింది. ఇందులో భాగంగా ఉండవల్లి వద్ద భారీ సామర్థ్యం గల పంపింగ్ స్టేషన్ను నిర్మించనున్నారు. రాజధాని ప్రాంతాన్ని తరచూ ముంచెత్తుతున్న వరద ముప్పును అరికట్టడమే లక్ష్యంగా ఈ ప్రాజెక్టును ప్రతిష్టాత్మకంగా చేపట్టారు.
PPM: దేశ పౌరులకు సమాన హక్కు కల్పించిన మహోన్నత వ్యక్తి డా.అంబేడ్కర్ అని కురుపాం MLA తోయక జగదీశ్వరీ అన్నారు. మంగళవారం గుమ్మలక్ష్మీపురం MRO కార్యాలయంలో నిర్వహించిన అంబేడ్కర్ జయంతి ఉత్సవాలలో ఆమె పాల్గొని అంబేడ్కర్ విగ్రహానికి పూలమాల వేసి నివాళులు అర్పించారు. ఆమె మాట్లాడుతూ.. రాజ్యాంగాన్ని రూపొందించి, కుల వివక్ష నిర్మూలనకు ఆయన చేసిన కృషి చిరస్మరణీయం అన్నారు.
కృష్ణా: చల్లపల్లి మండల పరిషత్ కార్యాలయంలో మంగళవారం రాజ్యాంగ నిర్మాత అంబేద్కర్ 135వ జయంతి కార్యక్రమం నిర్వహించారు. అంబేద్కర్ చిత్రపటానికి ఎంపీపీ కోట విజయ రాధిక, ఏఎంసీ చైర్మన్ తోట కనకదుర్గ పూలమాలలు వేసి నివాళులర్పించారు. స్వచ్చాంధ్ర కార్పోరేషన్ డైరెక్టర్ బోలెం నాగమణి, సీనియర్ అసిస్టెంట్ శ్యాంసన్, టైపిస్టు బ్రహ్మానందరావు, సిబ్బంది పాల్గొన్నారు.
AP: అంబేద్కర్ ఆశయ సాధనే ధ్యేయంగా ముందుకు సాగుతామని ఎస్ కోట ఎమ్మెల్యే కోళ్ల లలితకుమారి అన్నారు. మంగళవారం అంబేద్కర్ జయంతిని పురస్కరించుకుని ఎస్.కోట మరియు ఎల్.కోట జంక్షన్ల వద్ద ఉన్న అంబేద్కర్ విగ్రహాలకు ఆమె పూలమాలలు వేసి ఘనంగా నివాళులర్పించారు. పేద, వెనుకబడిన వర్గాల హక్కుల కోసం అంబేద్కర్ చేసిన కృషి చిరస్మరణీయమని అన్నారు.
GNTR: తెనాలిలో అగ్నిమాపక కేంద్రంలో మంగళవారం జరిగిన అగ్నిమాపక వారోత్సవాల ప్రారంభ కార్యక్రమానికి త్రీటౌన్ సీఐ సాంబశివరావు విచ్చేశారు. ఈనెల 14 నుంచి 20 వరకు జరిగే వారోత్సవాల కరపత్రాన్ని ఆవిష్కరించారు. అసిస్టెంట్ డిస్ట్రిక్ట్ ఫైర్ ఆఫీసర్ వేణుగోపాల్, రూరల్ ఎస్సై ఆనంద్లతో కలిసి ప్రభుత్వ వసతి గృహ విద్యార్థులకు ప్రమాదాలపై పలు జాగ్రత్తలు తెలియజేశారు.
KRNL: అంబేడ్కర్ ఆశయ సాధన కోసం ప్రతీ పౌరుడు కృషి చేయాలని కోసిగి మార్కెట్ యార్డు వైస్ ఛైర్మన్ తిక్కన్న, TDP మండల అధ్యక్షుడు మల్లిఖార్జున, TDP జిల్లా ప్రధాన కార్యదర్శి యోసేపు, విజయ్ అన్నారు. అంబేడ్కర్ జయంతి సందర్భంగా పెద్దకడబూరులో ఆయన విగ్రహానికి పూలమాలతో ఘన నివాళులర్పించారు. అణగారిన వర్గాల అభ్యున్నతి కోసం అంబేడ్కర్ చేసిన సేవలు చిరస్మరణీయమని పేర్కొన్నారు.
కోనసీమ: ఆత్రేయపురం మండలం వాడపల్లి శ్రీ వేంకటేశ్వర స్వామి వారి ఆలయ నిత్య అన్నదాన పథకానికి ఇవాళ యలమంచిలి వాస్తవ్యులు ముదునూరి వెంకట లక్ష్మీపతి రాజు కుటుంబ సభ్యులు రూ.50,116 విరాళం అందజేశారు. దాత కుటుంబ సభ్యులు స్వామివారిని దర్శించుకుని ప్రత్యేక పూజలు నిర్వహించారు. అనంతరం ఆలయ అధికారులు వారికి తీర్థప్రసాదాలు, స్వామివారి చిత్రపటాన్ని అందజేశారు.
AKP: గొలుగొండలో నూతనంగా నిర్మించిన పోలీస్ స్టేషన్ భవనాన్ని శాసనసభ స్పీకర్ చింతకాయల అయ్యన్నపాత్రుడు, హోంమంత్రి వంగలపూడి అనిత మంగళవారం ప్రారంభించారు. అనంతరం నూతన భవనాన్ని పరిశీలించారు. రాష్ట్రంలో శాంతి భద్రతల పరిరక్షణకు పూర్తిస్థాయిలో కృషి చేయడం జరుగుతుందని హోం మంత్రి అనిత అన్నారు. టెక్నాలజీని ఉపయోగించుకుంటూ నేర నియంత్రణ చేస్తున్నామన్నారు.
E.G: పెరవలి మండలం కానూరు అగ్రహారం గ్రామంలో ఇటీవల ప్రమాదవశాత్తు కరెంట్ షాక్కు గురై మృతి చెందిన పల్లా దానయ్య కుటుంబ సభ్యులను మంత్రి కందుల దుర్గేష్ ఇవాళ పరామర్శించారు. అనంతరం ఎలక్ట్రికల్ డిపార్ట్మెంట్ ద్వారా వారి కుటుంబానికి రూ.5 లక్షలు ఎక్స్గ్రేషియా చెక్కును మంత్రి అందజేశారు. బాధిత కుటుంబానికి ప్రభుత్వం అండగా ఉంటుందని భరోసా ఇచ్చారు.
SKLM: రాజ్యాంగ రచయిత డాక్టర్ బి.ఆర్ అంబేద్కర్ అందరివాడు అని జిల్లా కిషన్ సంఘం అధ్యక్షుడు కోత మధుసూదన్ రావు అన్నారు. మంగళవారం సంతబొమ్మాలి మండలం దండు గోపాలపురంలో ఉన్న అంబేద్కర్ విగ్రహానికి పూలమాలవేసి నివాళులర్పించారు. బడుగు బలహీన వర్గాల అభ్యున్నతికి ఆయన ఎంతో కృషి చేశారని రాసిన రాజ్యాంగమే నేడు చలామణి అవుతుందని అన్నారు. సంగం నాయకులు పాల్గొన్నారు.
సత్యసాయి: రామగిరి మండలం నసనకోట గ్రామంలో భారత రాజ్యాంగ నిర్మాత, భారతరత్న, డాక్టర్ బిఆర్ అంబేద్కర్ జయంతి వేడుకలను ఘనంగా నిర్వహించారు. ఇవాళ అంబేడ్కర్ విగ్రహానికి ఎమ్మెల్యే పరిటాల సునీత పూలమాల వేసి నివాళులర్పించింది. ఈ సందర్బంగా ఆయన విగ్రహం దగ్గర ముగ్గులతో అలంకరించినటువంటి మహిళలకు చీరలను బహుమతిగా ఇచ్చారు.
VZM: భారత రాజ్యాంగ శిల్పి అంబేద్కర్ 135వ జయంతి వేడుకలు విజయనగరంలో ఘనంగా నిర్వహించారు. పట్టణంలోని బాలాజీ జంక్షన్ వద్ద ఉన్న అంబేద్కర్ విగ్రహానికి మంత్రి కొండపల్లి శ్రీనివాస్, ఎమ్మెల్యే పూసపాటి అదితి విజయలక్ష్మి గజపతిరాజు పూలమాలలు వేసి నివాళులు అర్పించారు. ఈ కార్యక్రమంలో తూర్పుకాపు కార్పొరేషన్ ఛైర్పర్సన్ పాలవలస యశస్వి, ఎస్పీ ఏఆర్ దామోదర్ పాల్గొన్నారు.
NTR: కంచికచర్ల వసంత కాలనీలో దారుణ ఘటన చోటుచేసుకుంది. ఇంట్లో నిద్రిస్తున్న మహిళపై అగంతకుడు కత్తితో విచక్షణా రహితంగా దాడి చేసి పరారయ్యాడు. వేకువజామున జరిగిన ఈ ఘటనలో బాధితురాలికి భుజం, ఛాతి, ముఖం, చేతులపై తీవ్ర గాయాలయ్యాయి. కేకలు విని స్థానికులు ఆమెను ఆసుపత్రికి తరలించగా.. వైద్యులు చికిత్స అందిస్తున్నారు. ఘటనపై పోలీసులు కేసు నమోదు చేసి దర్యాప్తు చేపట్టారు.
