ABVP : ఆర్జీవీని దేశం నుంచి బహిష్కరించాలి : ఏబీవీపీ

ప్రముఖ దర్మకుడు రాంగోపాల్ వర్మ (Ramgopal Verma) నాగార్జున యూనివర్సిటీ వర్సిటీ టూర్ పై రాజకీయ దుమారం రేగింది. ఏఎన్ యూలో (ANU) అకడమిక్ ఎగ్జిబిషన్ ను వర్మ ప్రారంభించారు. ఈ సందర్బంగా ఆయన చేసిన కామెంట్స్ పై ఏబీవీపీ (ABVP) విద్యార్థి విభాగం ఫైర్ అయింది. నాగార్జున యూనివర్సిటీ అకడమిక్ ఎగ్జిబిషన్ కు రాంగోపాల్ వర్మను ముఖ్యఅతిథిగా పిలవడంపై తెలుగుదేశం పార్టీ (TDP) తీవ్రస్థాయిలో విరుచుకుపడింది. ఇంతకన్నా అవమానం, అసహ్యకరమైనది ఉండదన్నారు. అడల్ట్ సినిమాలు తీసే వైఎస్‌ఆర్‌సీపీ (YSRCP) అనుచరుడు ఆర్జీవీని ఆచార్య నాగార్జున యూనివర్శిటీలో జరిగిన ఓ కార్యక్రమానికి ముఖ్యఅతిథిగా పిలిచారు. విద్యార్థులకు వైస్ ఛాన్సలర్ ఇవ్వాలనుకుంటున్న సందేశం ఏమిటి? అని ప్రశ్నిస్తూ టీడీపీ ట్వీట్ చేసింది. పిచ్చోడిని గెస్ట్ గా తీసుకొచ్చారు నాగార్జున యూనివర్సిటీలోకి పిచ్చోడి లాంటి రాంగోపాల్ వర్మను ముఖ్యఅతిథిగా తీసుకొచ్చారని జనసేన(Janasena) గుంటూరు జిల్లా అధ్యక్షుడు గాదె వెంకటేశ్వరరావు (Gade Venkateswara Rao) ఆగ్రహం వ్యక్తం చేశారు.

చదవండి : కూలిన ఆర్మీ హెలికాప్టర్ చీతా.. పైలట్లు మిస్సింగ్

విద్యార్థులకు ఏం చెప్పాలో కూడా తెలియని స్థితిలో వర్మ ఉన్నాడని.. సంస్కారం లేకుండా మాట్లాడుతున్నాడని ధ్వజమెత్తారు. విద్యావ్యవస్థను అధికార వైసీపీ పార్టీ భ్రష్టు పట్టిస్తోందని విమర్శించారు. ఆచార్య నాగార్జున విశ్వవిద్యాలయంలో ఆర్జీవీ ( RGV)వ్యాఖ్యలకు నిరసనగా ఏబీవీపీ (ABVP) నిరసన తెలిపింది. తిరుపతి (Tirupati) ఎస్వీ యూనివర్సిటీలో ఆర్జీవీ దిష్టిబొమ్మను ఏబీవీపీ కార్యకర్తలు తగలబెట్టారు. రాంగోపాల్ వర్మను దేశం నుంచి బహిష్కరించాలంటూ పిలుపునిచ్చారు. నాగార్జున యూనివర్సిటీ వీసీ రాజశేఖర్ ను (VC Rajasekhar) సస్పెండ్ చేయాలని డిమాండ్ చేశారు. డైరెక్టర్ రాంగోపాల్ వర్మపై కాంగ్రెస్ సీనియర్ నాయకుడు వి. హనుమంతరావు (V. Hanumantha Rao) తీవ్రస్థాయిలో మండిపడ్డారు.నాగార్జున యూనివర్సిటీలో మహిళలను కించపరిచే విధంగా ఆర్జీవీ చేసిన వ్యాఖ్యలను మహిళలందరూ ఖండించాలన్నారు. విద్యార్థుల ముందు అభ్యంతకర పదజాలంతో మాట్లాడిన ఆర్జీవీకి తగిన గుణపాఠం చెప్పి అవసరమైతే కేసు నమోదు చేయాలని విహెచ్ డిమాండ్ చేశారు.

చదవండి : పొట్టి శ్రీరాములు త్యాగం వెలకట్టలేనిది..

Shameful and Disgusting!
Maker of adult films and YSRCP follower RGV was called over as chief guest at an event hosted by Acharya Nagarjuna University. What is the message the Vice Chancellor wants to send to the students?#IdhemKarmaManaRashtraniki pic.twitter.com/SGdSNvNlsq

— Telugu Desam Party (@JaiTDP) March 15, 2023