NDL: వేసవి ఎండలు తీవ్రంగా పెరగడంతో నిమ్మకాయ ధరలు అమాంతం పెరిగాయి. ప్రస్తుతం ఒక్క నిమ్మకాయ రూ.10 నుంచి రూ.15 వరకు విక్రయిస్తున్నారు. పంట దిగుబడి తగ్గడం, డిమాండ్ పెరగడం వల్ల ధరలు పెరిగాయని ఆదివారం వ్యాపారులు తెలిపారు. అయితే అధిక ధరలతో కొనుగోళ్లు తగ్గిపోవడంతో అమ్మకాలు లేక నిమ్మకాయలు ఎండిపోతూ.. నష్టాలు వస్తున్నాయని చిరు వ్యాపారులు వాపోతున్నారు.
KRNL: కర్నూలు మున్సిపల్ కార్పొరేషన్ ఆధ్వర్యంలో ఆదివారం సెన్సస్పై అవగాహన కల్పించేందుకు నిర్వహించిన 5కే రన్లో విద్యార్థుల స్కేటింగ్ ప్రత్యేక ఆకర్షణగా నిలిచింది. చిన్నారులు వేగంగా స్కేటింగ్ చేస్తూ ప్రజల్లో చైతన్యం కల్పించగా, పాల్గొన్న వారిని ఆకట్టుకున్నారు. సెన్సస్ ప్రాముఖ్యతపై నినాదాలు చేస్తూ ముందుకు సాగిన విద్యార్థులను అధికారులు అభినందించారు.
PLD: నరసరావుపేట రమ్య టైపు ఇన్స్టిట్యూట్ విద్యార్థిని షేక్ ఫాతిమా రాష్ట్ర స్థాయి ర్యాంక్ సాధించింది. SBTET ఫిబ్రవరి 2026 టైప్రైటింగ్ తెలుగు హయ్యర్ గ్రేడ్ పరీక్షల్లో ఆమె 3వ ర్యాంక్ పొందింది. గుంటూరులో జరిగిన సత్కార కార్యక్రమంలో ప్రిన్సిపాల్ ఉషారాణి, HOD శంకరరావు మెడల్ ప్రశంసాపత్రం అందజేశారు. ఈ కార్యక్రమంలో ఆర్గనైజింగ్ సెక్రటరీ షేక్ మహబూబ్ సుభాని పాల్గొన్నారు.
కోనసీమ: కొత్తపేట ఎమ్మెల్యే బండారు సత్యానందరావు ఆదివారం రావులపాలెంలో ట్రాఫిక్ సమస్యల పరిష్కారానికి అదనపు బస్టాండ్ నిర్మాణంపై స్థల పరిశీలన చేశారు. ఏపీఎస్ఆర్టీసీ గ్యారేజ్ను సందర్శించి, ఆ స్థలంలో అదనపు బస్టాండ్ నిర్మించడం ద్వారా ట్రాఫిక్ ఇబ్బందులు తొలగిస్తాయని పేర్కొన్నారు. ఈ కార్యక్రమంలో స్థానిక నేతలు పాల్గొన్నారు.
CTR: వేసవి సెలవుల్లో, ప్రత్యేకంగా రాత్రి సమయాల్లో జరిగే దొంగతనాల నివారణకు చిత్తూరు జిల్లా ఎస్పీ తుషార్ డూడీ ప్రత్యేక నిఘా పెట్టినట్లు పేర్కొన్నారు. వేసవి సమయంలో కుటుంబ సభ్యులతో కలిసి కొంతమంది పుణ్యక్షేత్రాలు, పర్యాటక ప్రాంతాలకు వెళ్తుంటారు. ఖాళీగా ఉన్న ఇళ్లను లక్ష్యంగా చేసుకొని దొంగతనాలు జరిగే అవకాశాలు అధికంగా ఉన్నాయని ఎస్పీ హెచ్చరించారు.
VZM: బొబ్బిలి మండలం కోమటిపల్లిలో రోడ్డు ప్రమాదం చోటుచేసుకుంది. బైక్ పై ప్రయాణిస్తున్న జి. గంగరాజు అదుపుతప్పి చెట్టును ఢీకొనడంతో తీవ్రంగా గాయపడ్డారు. బలిజిపేట మండలం పణుకువలసకు చెందిన ఆయనను 108 అంబులెన్స్లో బొబ్బిలి ప్రభుత్వ ఆసుపత్రికి తరలించగా, వైద్యులు మృతి చెందినట్లు నిర్ధారించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
KRNL: వేసవిని దృష్టిలో ఉంచుకుని పెద్దకడబూరు గ్రామంలోని ఆర్టీసీ బస్టాండ్ ఆవరణలో చెడిపోయిన బోర్కు టీడీపీ రైతు విభాగం రాష్ట్ర అధికార ప్రతినిధి నరవ రమాకాంతరెడ్డి ఆదేశాల మేరకు సొసైటీ ఛైర్మన్ మీ సేవ ఆంజనేయులు ఆదివారం మరమ్మతులు చేయించారు. పంచాయతీ ప్రత్యేక అధికారి ఆధ్వర్యంలో గ్రామ ప్రజలకు మౌలిక సదుపాయాల కల్పనయే కూటమి ప్రభుత్వం లక్ష్యమన్నారు.
KRNL: రాష్ట్రంలో పెట్రోల్, డీజిల్ కొరతను ప్రభుత్వం పట్టించుకోవడం లేదని మంత్రాలయం ఎమ్మెల్యే బాలనాగిరెడ్డి ఆదివారం విమర్శించారు. ఇంధనం లేక రవాణా వ్యవస్థ దెబ్బతిని నిత్యావసర సరుకుల రవాణాకు ఆటంకం కలుగుతోందన్ని పేర్కొన్నారు. నిల్వలు ఉన్నాయని చెబుతున్నా బంకుల వద్ద నో స్టాక్ బోర్డులు కనిపిస్తున్నాయని ఎమ్మెల్యే ఆరోపించారు.
TPT: ఆంధ్రప్రదేశ్ వ్యవసాయ కార్మిక సంఘం వరదయ్యపాలెం మండల కమిటీని ఏకగ్రీవంగా ఎన్నుకున్నట్లు జిల్లా కార్యదర్శి దాసరి జనార్ధన్ తెలిపారు. అధ్యక్షుడిగా JK రమణయ్య, కార్యదర్శిగా దూడల సుబ్బయ్య ఎంపికయ్యారు. ఈ సందర్భంగా మే 2న సత్యవేడులో జరగనున్న జిల్లా మహాసభలను విజయవంతం చేయాలని పిలుపునిచ్చారు.
VSP: ఆంధ్ర విశ్వవిద్యాలయంలో ఆదివారం శతాబ్ది స్థాపక దినోత్సవ వేడుకలు ఘనంగా జరిగాయి. ఉపకులపతి ఆచార్య జి.పి రాజశేఖర్ కట్టమంచి రామలింగారెడ్డి విగ్రహానికి పూలమాల వేసి నివాళులర్పించారు. అనంతరం AU@100 వద్ద కార్యక్రమాలు నిర్వహించారు. విశ్వవిద్యాలయ అభివృద్ధికి కృషి చేసిన వారిని స్మరించుకోవాలని సూచించారు.
NLR: సాగర్ మిత్ర సమస్యలను కేంద్ర మంత్రి స్థాయిలో వివరించి మరో ఆరు నెలలు ప్రధాన్మంత్రి మత్స్య సంపద యోజన సేవలను పొడిగించడంపై సాగర్మిత్రలు హర్షం వ్యక్తం చేశారు. ఈ మేరకు నెల్లూరు పార్లమెంట్ సభ్యులు వేమిరెడ్డి ప్రభాకర్రెడ్డిని ఆదివారం తన కార్యాలయంలో కలిసి ధన్యవాదాలు తెలియజేశారు. శాలువాతో ఘనంగా సత్కరించారు.
NDL: సంజామల మండలం మంగపల్లెలో ఓ ట్రస్ట్ ఆధ్వర్యంలో నిర్వహించిన 67వ మెగా ఉచిత వైద్య శిబిరం విజయవంతమైనట్లు డైరెక్టర్ పి.మౌలాలి రెడ్డి తెలిపారు. పేదల ఆరోగ్య రక్షణ దృష్ట్యా ప్రతి నెల ఈ శిబిరాలు నిర్వహిస్తున్ననట్లు పేర్కొన్నారు. వివిధ వ్యాధులకు నిపుణ వైద్యులచే సేవలందించి, సుమారు 1000 మందికి ఉచితంగా మందులు పంపిణీ చేశామన్నారు.
KDP: పోరుమామిళ్లలో డీజల్, పెట్రోల్ కొరత ఉదంటూ సీపీఐ నేతలు ఆదివారం నిరసన చేపట్టారు. ఏరియా కార్యదర్శి పిడుగు మస్తాన్ ఆధ్వర్యంలో ఆటోకు తాడు కట్టి రోడ్డుపై లాగారు. అధికారులు జిల్లాలో ఇంధన కొరత లేదని చెబుతున్నప్పటికీ పెట్రోల్ బంకుల వద్ద వందల సంఖ్యలో వాహనాలు ఎందుకు ఉన్నాయని ప్రశ్నించారు. యాజమాన్యాలు ఏమైనా అక్రమంగా తరలిస్తున్నారా అని ఆరోపించారు.
W.G: ఉండి మండలం ఉప్పులూరరు లో శ్రీ చెన్నకేశ్వవస్వామివారి తిరుకల్యాణం ఈ 28 న జరుగుతుందని ఆలయ ఛైర్మన్ యర్రా వెంకట సుబ్బారావు తెలిపారు. ఆదివారం నుంచి ఉత్సవాలు ప్రాంభమైనట్టు ఆయన పేర్కొన్నారు. వచ్చేనెల 2 వ తేదివరకు స్వామి వారి మహోత్సవాలు జరుగుతాయి అన్నారు. ఈ నెల 27 శేష వాహన సేవ, 28 న గరుడ వాహన సేవ 30న హనుమ సేవ ప్రతిరోజూ ప్రత్యేక పూజలు జరుగుతాయిని ఆయన తెలిపారు.
KKD: ఉమ్మడి జిల్లా గ్రంథాలయ సంస్థ ఆధ్వర్యంలో ఈనెల 28 నుంచి జూన్ 6 వరకు వేసవి విజ్ఞాన శిబిరాలు నిర్వహిస్తున్నట్లు ఛైర్మన్ ఈశ్వరరాజు వర్మ ఆదివారం తెలిపారు. కాకినాడ సెంట్రల్ లైబ్రరీలో ఉదయం 8 నుంచి 11 గంటల వరకు ఈ శిబిరాలు జరుగుతాయి. ఇందులో రచన, సైన్స్, చిత్రలేఖనం, సంగీతం వంటి అంశాల్లో శిక్షణ ఇస్తామన్నారు.
