పాన్ ఇండియా సినిమా ఆర్ఆర్ఆర్… కి ప్రతిష్టాత్మక పురస్కారం దక్కింది. ఆ సినిమాలోని నాటు నాటు పాటకు.. గోల్డెన్ గ్లోబ్ అవార్డు దక్కింది. ఈ అవార్డును సినిమా మ్యూజిక్ డైరెక్టర్ కీరవాణి అందుకున్నారు. ఈ అవార్డు కార్యక్రమానికి డైరెక్టర్ రాజమౌళి,ఆయన సతీమణి రమ, రామ్ చరణ్, ఎన్టీఆర్ లు కూడా హాజరయ్యారు. కాగా… ఈసినిమా కోసం పనిచేసిన చిత్ర బృందానికి ఆంధ్రప్రదేశ్ మాజీ ముఖ్యమంత్రి, టీడీపీ అధినేత చంద్రబాబు శుభాకాంక్షలు తెలియజేశారు.
ఆర్ఆర్ఆర్ చిత్ర బృందానికి అభినందనలు తెలుపుతూ చంద్రబాబు ట్వీట్ చేశారు. ఆర్ఆర్ఆర్ చిత్రం బెస్ట్ ఒరిజినల్ సాంగ్ విభాగంలో గోల్డెన్ గ్లోబ్ అందుకుందని తెలసుకుని సంతోషించానని చెప్పారు. కీరవాణి, రాజమౌళితో పాటు ఆర్ఆర్ఆర్ టీమ్ మొత్తానికి శుభాకాంక్షలు తెలిపారు. అవార్డు రావడం అందరూ గర్వపడాల్సిన విషయమని అన్నారు. తాను ముందుకు చెప్పినట్టే.. ఇండియన్ సాఫ్ట్ పవర్ భాషగా తెలుగు మారుతుందని అన్నారు. కాగా… చంద్రబాబు చేసిన ట్వీట్ కి ఎన్టీఆర్ స్పందించారు.
చంద్రబాబు ట్వీట్ కి.. ‘థాంక్యూ సోమచ్ మావయ్య’ అంటూ ఎన్టీఆర్ రిప్లై ఇచ్చారు. కాగా… వీరిద్దరూ ట్విట్టర్ లో మాట్లాడుకోవడం అభిమానులను విపరీతంగా ఆకట్టుకుంటోంది.
