శ్రీకాకుళం జిల్లా పలాస పట్టణం(Palasa town)లో ఒక్కసారిగా ఉద్రిక్తత చెలరేగింది. అక్రమణ నిర్మాణాల కూల్చివేత పేరిట టీడీపీ నేతలపై వేధింపులకు దిగుతున్నారంటూ ఆందోళనకు దిగిన ఎంపీ రామ్మోహన్ నాయుడు(MP Rammohan Naidu), ఎమ్మెల్యే అశోక్‌ను పోలీసులు అరెస్ట్ చేశారు. పలాస పట్టణ టీడీపీ అధ్యక్షుడు నాగరాజు తన ఇంటికి వెళ్లే దారిలో ఉన్న సాగునీటి కాలువపై పదిహేనేళ్ల క్రితం కల్వర్టు నిర్మించుకున్నారు. అయితే, ఈ కల్వర్టు నిర్మాణం (Culvert construction) అక్రమమంటూ ఇటీవల అధికారులు అభ్యంతరం వ్యక్తం చేశారు. నీటి ప్రవాహానికి అడ్డంకిగా మారిందంటూ కల్వర్టు తొలగించేందుకు సిద్ధమయ్యారు.
చదవండి : మెట్రో రైలు సరికొత్త రికార్డు.. 40 కోట్ల మంది ప్రయాణం
కూల్చివేత సామాగ్రితో కల్వర్టు వద్దకు చేరుకున్నారు. దీంతో, అక్కడ ఒక్కసారిగా ఉద్రిక్తవాతావరణం నెలకొంది. టీడీపీ (TDP) నాయకుడు నాగరాజును ఇబ్బంది పెట్టడానికే కల్వర్టు కూల్చేందుకు సిద్దం అయ్యారని టీడీపీ నేతలు ఆరోపించారు. నాగరాజుకు మద్దతుగా ఎంపీ రామ్మోహన్ నాయుడు, ఎమ్మెల్యే అశోక్(MLA Ashok), మాజీ ఎమ్మెల్యే గౌతు శిరీషతో పాటూ పలువురు టీడీపీ నాయకులు ఘటనాస్థలంలో ఆందోళన నిర్వహించారు. దీంతో, పోలీసు బలగాలు కూడా రంగంలోకి దిగాయి. అధికారులు, టీడీపీ నాయకుల మధ్య తీవ్ర వాగ్వాదం నెలకొంది. ఈ క్రమంలో పోలీసులు టీడీపీ నాయకులను అదుపులోకి తీసుకొని పోలీస్ స్టేషన్‌కు తరలించారు. కాగా, మంత్రి సిదిరి అప్పలరాజు (Sidiri Appalaraju) ఆదేశాలతోనే అధికారులు తన ఇంటికి దారి లేకుండా చేస్తున్నారని టీడీపీ నేత నాగరాజు ఆరోపించారు. తెలుగుదేశం పార్టీ కోసం పనిచేస్తున్నాననే కక్ష్య పూరితంగా వ్యవహరిస్తున్నారని నాగరాజు ఆరోపించారు.
చదవండి : కోట్లకు పడగలెత్తిన కుక్కల ఆస్తులు.. రోజుకు 1000 రోటీలు
