జనసేన అధ్యక్షుడు పవన్ కళ్యాణ్(Pawan kalyan) గుంటూరు జిల్లా తాడేపల్లి మండలం ఇప్పటం గ్రామంలో జనసేన అభిమానులకు చెందిన 53ఇళ్లను ప్రభుత్వం కూల్చివేయడంతో హుటాహుటిన పవన్ కళ్యాణ్ విజయవాడ చేరుకున్నారు. శుక్రవారం రోడ్డు విస్తరణ పేరుతో ఇప్పటం గ్రామంలో జనసేన అభిమానుల ఇళ్లను కూల్చివేయడంతో పవన్ హైదరాబాద్ నుంచి విజయవాడ చేరుకున్నారు. ఈ రోజు ఇప్పటం గ్రామంలో ఆయన పర్యటించాలని అనుకున్నారు. అయితే… ఆయన పర్యటనను పోలీసులు అడ్డుకున్నారు. పోలీసులు అడ్డుకున్న సమయంలో…. ఆయన సేమ్ ఇటీవల విడుదలైన గాడ్ ఫాదర్ సినిమాలోని సీన్ ని రిపీట్ చేయడం విశేషం.
అసలు మ్యాటర్ లోకి వెళితే… ఇప్పటం గ్రామానికి పవన్ చేరుకున్నారు. అయితే పవన్ రాక గురించి ముందే తెలిసిన పోలీసులు ఆయన ఫ్రయాణిస్తున్న కారుని వెళ్లనీయకుండా అడ్డుకున్నారు. అనుమతి లేదని అన్నారు. తాను ఇప్పటం వెళ్లాల్సిందేనని పవన్ కళ్యాణ్ పట్టుబట్టారు. అయితే కుదరదని పోలీసులు చెప్పేయటంతో పవన్ కారు దిగి నడుస్తూ హైవే మీద మూడు కిలోమీటర్లు మేరకు నడిచారు.. అనంతరం కారు పైకి ఎక్కి ఇప్పటం వైపు పయనం అయ్యారు.
పవన్ కారు దిగటం.. అక్కడ నుంచి కాలి నడకలో వెళుతున్నప్పటి వీడియోలు నెట్టింట తెగ వైరల్ అవుతున్నాయి. పవన్ కళ్యాణ్ ఫ్యాన్స్ ఈ సన్నివేశాన్ని చిరంజీవి ‘గాడ్ ఫాదర్’లోని సన్నివేశంతో పోల్చుతూ రెండు సన్నివేశాలను కట్ చేసి వీడియోలు చేసి నెట్టింట వైరల్ చేస్తున్నారు.
గాడ్ ఫాదర్ సినిమాలో చిరంజీవి ప్రయాణిస్తున్న కారుని పోలీస్ ఆఫీసర్ అయిన సముద్ర ఖని రూల్స్ ఒప్పుకోవంటూ ఆపేస్తాడు. అప్పుడు చిరంజీవి రూల్స్ కార్లకే కానీ.. కాళ్లకు కాదంటూ నడుచుకుంటూ వెళ్లారు. ఇప్పుడు అలాగే జరిగిందని.. అన్నయ్య నటించిన సినిమాలోని సన్నివేశం రిపీట్ అయ్యిందంటూ అభిమానులు షేర్ చేస్తూ ఉన్నారు.
ఇది కూడా చూడండి: మోదీ(Narendra Modi) తెలంగాణ(telangana) పర్యటన…కేసీఆర్(cm kcr)స్వాగతం పలికేనా?
