తిరుమల(Tirumala)కు వచ్చే భక్తులకు టీటీడీ(TTD) గుడ్ న్యూస్ చెప్పింది. ఏప్రిల్ నుంచి దివ్య దర్శన టోకెన్ల(Divya Darshan Tokens)ను జారీ చేస్తున్నట్లు ప్రకటించింది. అలిపిరి నడక దారిలో శ్రీవారిని దర్శించుకోవడానికి వచ్చే భక్తులకు దివ్య దర్శన టోకెన్లను జారీ చేయనున్నట్లు తెలిపింది. ఏప్రిల్ 1వ తేది నుంచి ప్రతి రోజూ 10 వేల టోకెన్లను జారీ చేయనున్నట్లు తిరుమల తిరుపతి దేవస్థానం(TTD) ఛైర్మన్ వైవీ సుబ్బారెడ్డి తెలిపారు.
చదవండి: Weekly Horoscope:ఈ వారం రాశి ఫలాలు (మార్చి 26 నుంచి ఏప్రిల్ 1 వరకు)
తిరుమల(Tirumala)లో వేసవి ఏర్పాట్లపై సోమవారం వైవీ సుబ్బారెడ్డి అధికారులతో సమీక్షా సమావేశం నిర్వహించారు. నడక దారిలో వచ్చే భక్తులకు టోకెన్లను జారీ చేయనున్నట్లు వెల్లడించారు. వేసవిలో బ్రేక్ సిఫారసు లేఖలను తగ్గిస్తామని, భక్తులకు ఎటువంటి ఇబ్బందులు రాకుండా ఏర్పాట్లు చేస్తున్నట్లు టీటీడీ(TTD) ఛైర్మన్ వైవీ సుబ్బారెడ్డి తెలిపారు.
చదవండి: TTD.. వేలానికి స్వామివారి వస్త్రాలు..!
దివ్య దర్శన టోకెన్ల(Divya Darshan Tokens)ను గత మూడేళ్ల నుంచి భక్తులకు ఇవ్వడాన్ని టీటీడీ(TTD) నిలిపివేసింది. కరోనాకు ముందు నుంచి దివ్య దర్శనం టోకెన్లను జారీ చేయడం లేదు. ఈ టికెట్లను పునరుద్ధరించాలంటూ చాలా రోజుల నుంచి అందరి నుంచీ డిమాండ్లు వినిపిస్తున్నాయి. అంతేకాకుండా తిరుమల(Tirumala)కు నడిచి వచ్చే వారికి, వాహనాల్లో వచ్చే వారికి ఒకే క్యూలైన్ కేటాయించడంపై విమర్శలు వెల్లువెత్తుతున్నాయి. ఈ తరుణంలో మెట్లు ఎక్కి వచ్చే వారికి టోకెన్లను జారీ చేయనున్నట్లు టీటీడీ(TTD) వెల్లడించింది.
