తిరుపతి గంగమ్మ జాతర(Tirupathi Gangamma jathara)కు ఎంతో ఘన చరిత్ర ఉంది. ఈ ఏడాది కూడా ఈ గంగమ్మ జాతర వేడుకగా ప్రారంభమైంది. తాతయ్యగుంట గంగమ్మ జాతర చూసేందుకు చుట్టుపక్కల ప్రాంతాల నుంచి చాలా మంది భక్త జనం తరలి వస్తున్నారు. అయితే ఆలయం ముందు వేసిన అలంకారం తీవ్ర విమర్శలకు దారి తీస్తోంది.
చదవండి: Tirumala: తిరుమలకు చేరుకున్న భారీ భక్తజనం.. కిలోమీటర్ల కొద్దీ క్యూ లైన్
గంగమ్మ ఆలయం వద్ద జగన్(Jagan) అనే అర్థం వచ్చేలా..J అని రాసి దానికి పక్కనే గన్ బొమ్మ వేయడం అందరికీ ఆగ్రహాన్ని తెప్పిస్తోంది. అంతేకాకుండా ఆ పేరుకు పక్కనే వైసీపీ(YCP) జెండా కూడా వేశారు. ఆలయం వద్ద ఇలా పార్టీ గురించి చెప్పడం ఏంటని పలువురు ఆగ్రహం వ్యక్తం చేస్తున్నారు.
చదవండి: Temperature:మండుతున్న ఎండలు.. వడగాలులు, ఉక్కపోతతో అల్లాడుతున్న జనం
ఈ ఘటనపై టీడీపీ(TDP) అధినేత నారా చంద్రబాబు నాయుడు(Nara Chandrababu naidu) స్పందించారు. తిరుపతి గంగమ్మ గుడి(Tirupathi Gangamma Temple)కి ఇలాంటి అలంకారం చేస్తారా? అంటూ ఆగ్రహం వ్యక్తం చేశారు. దేవత సన్నిధిలో ఈ ‘గన్’ సంస్కృతి ఏంటని ప్రశ్నించారు. వైసీపీ జెండా గుర్తులు ఏంటని నిలదీశారు. జె అక్షరానికి గంగమ్మకు ఎటువంటి సంబంధం ఉందని ప్రశ్నించారు. ప్రచార పిచ్చితో, అహంకారంతో దేవుళ్ల దగ్గర ఇలాంటి వేషాలు వేయడం ఏంటని నిప్పులు చెరిగారు.
