భారత అంతరిక్ష పరిశోధనా సంస్థ (ISRO) ప్రతిష్టాత్మక చంద్రయాన్ 3 ప్రయోగానికి రంగం సిద్దమైంది. జులై 14న మధ్యాహ్నం 2.35కి ఈ ఉపగ్రహం నింగిలోకి దూసుకెళ్లనుంది.చంద్రయాన్ 2 (Chandrayaan 2) తో పోలిస్తే చంద్రయాన్-3ని ఫెయిల్యూర్‌ ఆధారిత విధానంతో అభివృద్ధి చేశామని తెలిపింది. చంద్రయాన్-2లో సమస్య ఏమిటనే విషయాన్ని పరిశీలిస్తే.. పెరామీటర్‌ (parameter)వేరియేషన్‌ లేదా విభాగాలను వేరుచేసే వ్యవస్థను (Dispersion) నిర్వహించే సామర్థ్యం చాలా పరిమితమే. అందుకే ఈసారి ఆ సామర్థ్యాన్ని మరింత పెంచాం. చంద్రయాన్-2ను సక్సెస్‌ ఆధారిత మోడల్‌లో రూపొందించగా.. చంద్రయాన్-3లో మాత్రం ఫెయిల్యూర్‌ ఆధారిత డిజైన్‌ను అమలు చేస్తున్నాం. ఏదైనా వ్యవస్థ విఫలమైనప్పుడు, దాన్ని ఎలా రక్షించాలనే విధానమే ఇది’ అని ఇస్రో ఛైర్మన్‌ ఎస్‌ సోమనాథ్‌(Chairman S Somnath) తెలిపారు.
చదవండి : Policy building : కర్ణాటక అసెంబ్లీలో కలకలం.. కత్తితో వచ్చిన మహిళ
ఇస్రో ప్రతిష్ఠాత్మకంగా చేపడుతోన్న చంద్రయాన్-3 జులై 14న నింగిలోకి దూసుకెళ్లనుంది. సుమారు 3.84లక్షల కి.మీ సుదీర్ఘ ప్రయాణం తర్వాత ఆగస్టు 23 లేదా 24 తేదీల్లో జాబిల్లి(Jabilly)పై చంద్రయాన్-3 అడుగుపెట్టనుంది. చంద్రుడి దక్షిణ ధ్రువంలోని నిర్దేశిత ప్రదేశంలో ఈ రోవర్‌ను దించేందుకు ఇస్రో (ISRO) ముమ్మర ప్రయత్నాలు చేస్తోంది. ఈ చంద్రుడిపైకి భారతీయ అంతరిక్ష యాత్రలో ఈ ప్రయోగం కీలక ఘట్టంగా ఉంటుంది. చంద్రుడిపై రోవర్‌ను విజయవంతంగా దింపేందుకు ఇస్రో చేస్తున్న మూడో దఫా ప్రయత్నం ఇది .ఆంధ్రప్రదేశ్‌లోని శ్రీహరికోట(Sriharikota)లోని అంతరిక్ష కేంద్రం నుంచి దీనిని పరీక్షిస్తారు. ఇస్రోకు చెందిన నూతన నిర్మిత వాహకనౌక ఎల్‌విఎం 3 ద్వారా ప్రయోగం ఉంటుంది. దీనికి అవసరం అయిన క్యాప్సూల్స్, ఇతరత్రా శాస్త్రీయ పరికరాల అనుసంధాన ఏర్పాట్లు విజయవంతం అయ్యాయి.
చదవండి : Pawan Kalyanకు మహిళా కమిషన్ నోటీసులు, ఎందుకంటే..?
