AP Fibernet Scam vijayawada ACB Court Allowed to Attach Assets of CBN Associates
రూ.114 కోట్ల ఏపీ ఫైబర్ నెట్ కుంభకోణం(AP Fibernet Scam)లో మాజీ ముఖ్యమంత్రి నారా చంద్రబాబు నాయుడు(chandrababu naidu) సన్నిహితులతో పాటు తేరా సాఫ్ట్‌వేర్ కంపెనీకి సంబంధించిన ఏడు స్థిర ఆస్తులను జప్తు చేస్తూ విజయవాడలోని ఏసీబీ ప్రత్యేక కోర్టు మంగళవారం ఉత్తర్వులు జారీ చేసింది. తేరా సాఫ్ట్ కంపెనీతో పాటు టీడీపీ అధినేత చంద్రబాబు నాయుడు సన్నిహితుల ఆస్తులను అటాచ్ చేసేందుకు తమకు అనుమతి ఇవ్వాలని కోరుతూ సీఐడీ ఏసీబీ కోర్టులో పిటిషన్ దాఖలు చేసింది. ఏపీ ఫైబర్నెట్ ప్రాజెక్టులో ఆర్థిక అవకతవకలు టీడీపీ హయాంలోనే జరిగాయన్నారు. నాయుడు ప్రభుత్వం తేరా సాఫ్ట్ కన్సార్టియంకు అవకతవకలతో టెండర్‌ను కట్టబెట్టిందని ఆరోపించారు. ఈ కేసులో వేమూరి హరికృష్ణ (ఏ1), తేరా సాఫ్ట్‌వేర్ మేనేజింగ్ డైరెక్టర్ తుమ్మల గోపీచంద్ (ఏ11), చంద్రబాబు నాయుడు (ఏ25) తదితరుల ప్రమేయం ఉందని ఆరోపిస్తూ ఆంధ్రప్రదేశ్ సీఐడీ ఇప్పటికే కేసు నమోదు చేసింది.
తేరా సాఫ్ట్‌వేర్ డైరెక్టర్లు కూడా నాయుడు కుటుంబానికి చెందిన హెరిటేజ్ గ్రూప్‌కు అనుసంధానించబడిన సంస్థలలో డైరెక్టర్లుగా ఉన్నారు. ఎఫ్ఐఆర్(FIR) ప్రకారం ఎన్ చంద్రబాబు నాయుడు నేతృత్వంలోని తెలుగుదేశం పార్టీ (టిడిపి) ప్రభుత్వం చేపట్టిన ఏపీ ఫైబర్నెట్ ప్రాజెక్ట్ నిబంధనలను పూర్తిగా ఉల్లంఘించిందని.. రాష్ట్ర ఖజానాకు రూ.114 కోట్ల నష్టం కలిగించిందని పేర్కొంది. బ్లాక్‌లిస్ట్‌లో ఉన్న టెరా సాఫ్ట్‌వేర్ లిమిటెడ్‌కు రూ.330 కోట్ల విలువైన ఫైబర్నెట్ ప్రాజెక్టు ఫేజ్-1 అప్పగించేందుకు అప్పటి చంద్రబాబు నాయుడు ప్రభుత్వం టెండర్ ప్రక్రియను అవకతవకలు చేసిందని సీఐడీ పేర్కొంది.
ఈ ప్రాజెక్ట్ నామమాత్రపు ధరతో ఒకే బ్రాడ్‌బ్యాండ్ కనెక్షన్ నుంచి హై-స్పీడ్ ఇంటర్నెట్, టెలివిజన్, టెలిఫోనిక్ సేవలను అందించడం లక్ష్యంగా పెట్టుకుంది. ఇన్‌ఫ్రాస్ట్రక్చర్ కార్పొరేషన్ ఆఫ్ ఆంధ్రప్రదేశ్ లిమిటెడ్ [INCAP] ద్వారా బ్లాక్‌లిస్ట్ చేయబడిన టెరా సాఫ్ట్‌వేర్ లిమిటెడ్‌కు అందించబడింది. గత టీడీపీ(TDP) ప్రభుత్వం ప్రవేశపెట్టిన కోట్లాది రూపాయలతో ఏపీ ఫైబర్నెట్ ప్రాజెక్టు టెండర్ల ప్రక్రియలో ఆర్థిక అవకతవకలు జరిగాయన్న ఆరోపణలపై 19 మంది సభ్యులపై సీఐడీ ఎఫ్ఐఆర్ దాఖలు చేసింది.
ఇది కూడా చూడండి: Chandrababu బెయిల్‌ను సుప్రీంకోర్టులో సవాల్ చేసిన ఏపీ సీఐడీ
