Ambati Rayudu's tweet on Jagan's bus trip
Ambati Rayudu: దేశమంత లోక్‌సభ ఎన్నికల హడావిడి కనిపిస్తుంది. ముఖ్యంగా ఆంధ్రప్రదేశ్‌లో పోలీటికల్ హీట్ ఏ రేంజ్‌లో ఉంటుందో చూస్తూనే ఉన్నాము. కూటమిని ఎదుర్కోవడానికి వైసీపీ తీవ్రంగా కసరత్తు చేస్తుంది. ముఖ్యమంత్రి జగన్ ఎన్నికల్లో విజయమే లక్ష్యంగా ఈరోజు ఎన్నికల ప్రచారానికి శ్రీకారం చుట్టారు. మేమంతా సిద్ధం పేరుతో బస్సు యాత్రను మొదలుపెట్టారు. ఇడుపులపాయ నుంచి జగన్ బస్సు యాత్ర ప్రారంభించారు. ఈ నేపథ్యంలో జగన్ బస్సు యాత్రపై భారత మాజీ క్రికెటర్ అంబటి రాయుడు ఎక్స్ వేదికగా పోస్ట్ పెట్టారు. సిద్ధం అంటూ ఒక టెక్ట్స్‌ను ట్వీట్ చేశారు.
చదవండి:Viral News: పురుషులు ఆ దేవుడిని పూజించాలంటే మహిళల్లా రెడీ కావాలి.. ఎక్కడో తెలుసా?
అంబటి రాయుడు గతంలో వైసీపీలో చేరిన సంగతి తెలిసిందే. సీఎం జగన్ సమక్షంలోనే వైసీపీలో చేరిన కొన్ని రోజుల వ్యవధిలోనే వైసీపీ నుంచి బయటకు వచ్చారు. ఆ తర్వాత కొన్నాళ్లకు జనసేన అధినేత పవన్ కల్యాణ్‌తో సమావేశారు. ఆయన రాజకీయంగా కీలకమైన స్టెప్ తీసుకోబుతన్నారని అందరూ భావించారు. కానీ అనుహ్యంగా కొంత కాలం పాటు రాజకీయాలకు దూరంగా ఉంటానని రాయుడు ప్రకటించారు. ఇప్పుడు తాజా ట్వీట్‌తో ఆయన పేరు మళ్లీ తెరపైకి వచ్చింది. మళ్లీ వైసీపీలో చేరుతారా అని నెటిజన్లు కామెంట్లు పెడుతున్నారు. ఇంతకీ ఆయన ఏ ఉద్దేశంతో సిద్ధం అని పోస్ట్ పెట్టారో స్పష్టత రావాల్సి ఉంది.
Sidham!!
— ATR (@RayuduAmbati) March 26, 2024
