తమిళ దర్శకుడు శంకర్ దర్శకత్వంలో రామ్ చరణ్ ఆర్సీ 15 వర్కింగ్ టైటిల్‌తో సినిమా చేస్తున్న సంగతి తెలిసిందే. దిల్ రాజు బ్యానర్లో వస్తున్న 50వ ప్రాజెక్ట్ కావడంతో.. అత్యంత ప్రతిష్టాత్మకంగా ఈ చిత్రాన్ని నిర్మిస్తున్నారు. ఇందులో బాలీవుడ్ బ్యూటీ కియారా అద్వానీ హీరోయిన్‌. ఆర్ఆర్ఆర్ వంటి సెన్సేషన్ తర్వాత.. వస్తున్న చరణ్ వస్తున్న సినిమా కావడంతో ఆర్సీ 15 పై భారీ అంచనాలున్నాయి. అయితే స్టార్టింగ్‌లో జెట్‌ స్పీడ్‌లో షూటింగ్ జరిగిన ఈ చిత్రం.. మధ్యలో కాస్త బ్రేక్ పడింది. అటకెక్కిన కమల్ హాసన్ ‘ఇండియన్ 2’ తిరిగి లైన్లోకి రావడంతో.. చరణ్ ప్రాజెక్ట్ డిలే అవుతూ వస్తోంది. అయితే ఎట్టకేలకు షూటింగ్ చివరి దశకు చేరుకుంది. అయినా ఇప్పటి వరకు టైటిల్, చరణ్ ఫస్ట్ లుక్ మాత్రం రిలీజ్ కాలేదు.
మెగాభిమానులు చాలా రోజులుగా చరణ్ లుక్ కోసం ఎదురు చూస్తున్నారు. ఇండస్ట్రీ వర్గాలు కూడా ఎప్పటికప్పుడు ఊరిస్తు వస్తున్నాయి. కానీ మేకర్స్ మాత్రం క్లారిటీ ఇవ్వడం లేదు. అయితే ఈసారి రావడం మాత్రం పక్కా అంటున్నారు. అది కూడా చరణ్ బర్త్ డే కావడంతో.. చాలా కాన్ఫిడెంట్‌గా ఉన్నారు. మార్చి 27న చరణ్ బర్త్ డేను గ్రాండ్‌ సెలబ్రేట్ చేసుకోవడానికి రెడీ అవుతున్నారు మెగా ఫ్యాన్స్. ఆరోజే ఆర్సీ 15 టైటిల్ అండ్ ఫస్ట్ రిలీజ్ చేయనున్నట్టుగా తెలుస్తుంది. రిలీజ్ డేట్ విషయంలోను అప్పుడే క్లారిటీ రానుంది. ఇక అదే రోజు చరణ్, బుచ్చిబాబు ప్రాజెక్ట్ నుంచి కూడా అప్డేట్ రానుందని అంటున్నారు. దాంతో చరణ్ బర్త్ డే ట్రీట్‌గా డబుల్ డోస్ రానుందని చెప్పొచ్చు.
