ప్రస్తుతం మాటల మాంత్రికుడు త్రివిక్రమ్ శ్రీనివాస్‌తో ఎస్ఎస్ఎంబీ 28 వర్కింగ్ టైటిల్‌తో ఓ ప్రాజెక్ట్ చేస్తున్నాడు. ప్రస్తుతం ఈ సినిమా సెట్స్ పై ఉంది. అతడు, ఖలేజా తర్వాత వస్తున్న ఈ హ్యాట్రిక్ కాంబినేషన్ పై భారీ అంచనాలున్నాయి. పూజా హెగ్డే, శ్రీలీల హీరోయిన్లుగా నటిస్తున్న ఈ సినిమాను.. సంక్రాంతి టార్గెట్‌గా జనవరి 13న రిలీజ్ చేస్తున్నారు. ప్రజెంట్ షూటింగ్‌కు బ్రేక్ ఇచ్చిన ఈ సినిమా నెక్స్ట్ షెడ్యూల్‌ను.. జూన్ మొదటి వారంలో ప్లాన్ చేస్తున్నారు. మహేష్ వెకేషన్ నుంచి తిరిగా రాగానే ఈ షెడ్యూల్ ఉంటుంది. అయితే ఈలోపు టీజర్‌తో సందడి చేసేందుకు వస్తున్నాడు మహేష్. ఇప్పటికే మహేష్ బాబు ఫస్ట్ లుక్‌ని రిలీజ్ చేయగా.. ఇండస్ట్రీ హిట్ లోడింగ్ అనేలా ఉంది.
చదవండి: Virupaksha: ‘విరూపాక్ష’ ఓటిటి డేట్ లాక్.. ఎందులో, ఎప్పుడు!?
ఇక ఇప్పుడు అంతకు మించి అనేలా గ్లింప్స్ రిలీజ్ చేయబోతున్నారు. మే 31న సూపర్ స్టార్ కృష్ణ జయంతి సందర్భంగా.. ఎస్ఎస్ఎంబీ 28 ఫస్ట్ గ్లింప్స్ రిలీజ్ చేసేందుకు సన్నాహాలు చేస్తున్నారు. ఈ క్రమంలో.. గ్లింప్స్ లెంగ్త్ 80 సెకండ్స్ వరకు లాక్ చేసినట్టు తెలుస్తోంది. అదిరిపోయే యాక్షన్ సీన్స్, త్రివిక్రమ్ స్టైల్ ఆఫ్ డైలాగ్‌తో గ్లింప్స్ ఉంటుందని అంటున్నారు. ఇప్పటికే గ్లింప్స్ కూడా కట్ చేసారని టాక్. ఇక అదే రోజు ఈ సినిమా టైటిల్‌ను కూడా అనౌన్స్ చేయనున్నారు. ఈ సినిమాకు గుంటూరు కలిసి వచ్చేలా గుంటూరు కారం అనే టైటిల్‌ను అనుకుంటున్నారు. అలాగే ఇప్పుడు కొత్తగా ఊరికి మొనగాడు అనే టైటిల్ కూడా వినిపిస్తోంది. దీంతో మే 31 కోసం ఈగర్‌గా వెయిట్ చేస్తున్నారు సూపర్ స్టార్ ఫ్యాన్స్.
