క్రిస్ హేమ్స్‌వర్త్(Chris Hemsworth) నటించిన ఎక్స్ట్రాక్షన్ 2 త్వరలో స్ట్రీమింగ్ కానుంది. 2020లో విడుదలైన ఎక్స్‌ట్రాక్షన్‌కు ఇది సీక్వెల్. ఆర్ఆర్ఆర్ సినిమా చూసిన హేమ్స్‌వర్త్ ..జూనియర్ ఎన్టీఆర్, రామ్‌చరణ్‌లతో పనిచేసే అవకాశమొస్తే గర్వకారణమన్నాడు. క్రిస్ హేమ్స్‌వర్త్ తొలిసారిగా బాలీవుడ్ నటుడు రణదీప్ హుడాతో కలిసి నటించిన సినిమా ఎక్స్ట్రాక్షన్. ఈ సినిమా ఎక్కువ భాగం ఇండియాలోనే షూట్ అయింది. ఇండియా అంటే ఇష్టపడే ఈ నటుడు తన కూతురి పేరు కూడా ఇండియా అని పెట్టుకోవడం విశేషం. ఎక్స్ట్రాక్షన్ 3 కూడా భారతదేశ నటులతోనే ఉంటుందన్నాడు. ఆర్ఆర్ఆర్ సినిమా ఇటీవలే చూశానని..రామ్ చరణ్, జూనియర్ ఎన్టీఆర్ నటన అద్భుతమని ప్రశంసించాడు. ఆ ఇద్దరితో కలిసి పనిచేసే అవకాశమొస్తే అంతకంటే ఆనందించేది ఉండదన్నాడు.
