స్టార్ హీరో బాలకృష్ణ(balakrishna) నటించిన భగవంత్ కేసరి(Bhagwant Kesari)మూవీ నుంచి టీజర్ రిలీజైంది. ఈ రోజు(june 10th) బాలయ్య పుట్టినరోజు సందర్భంగా ఈ మేరకు టీజర్ వీడియోను మేకర్స్ రిలీజ్ చేశారు. ఇక టీజర్ వీడియోలో బాలయ్య చెబుతున్న డైలాగ్ డెలివరీ మాములుగా లేదు. విలన్‌ని పరిచయం చేస్తూ బాలయ్య చెబుతున్న తీరు ఆకట్టుకుంటుంది. ఒక రాజు తనను ఎన్నుకునే వందల మందను చూస్తాడు. కానీ మొండివాడు తన ఏకైక హృదయాన్ని చూస్తాడు. బాలకృష్ణ వాయిస్‌తో బాలీవుడ్ నటుడు అర్జున్ రాంపాల్ ఎంట్రీ ఇవ్వడంతో టీజర్ ప్రారంభమైంది.
బాలకృష్ణ 108తో ఖైదీగా కనిపించి, హిందీలో ‘పతాహై కనోకే పీచే భేజా క్యో రెహతీ హై’ అంటూ డైలాగ్ చెప్పారు. జబ్ కాన్ భైరీ పడ్తీహై, తో బాత్ భేజే పే ఘుస్తీ హై’ అని చెప్పే హిందీ డైలాగ్ ఆకట్టుకుంటుంది. బాలయ్య వివిధ ఆయుధాలతో ఉత్కంఠభరితమైన యాక్షన్ సన్నివేశాలను ప్రదర్శిస్తూ ‘అడివి బిడ్డ, నేలకొండ భగవంత్ కేసరి’ అంటూ కీలక డైలాగ్స్ డెలివరీ చేశాడు. ఆ క్రమంలో పేలుడు బ్యాగ్ గ్రౌండ్లో బాలకృష్ణ గొడ్డలి పట్టుకుని కనిపిస్తున్నారు. టీజర్ సినిమా లవర్స్ కి ఫుల్ మాస్ ఫీస్ట్ ఇచ్చిందని చెప్పవచ్చు.
ఈ చిత్రానికి సంగీతం తమన్ అందించగా, కాజల్ కథానాయికగా నటిస్తుండగా, శ్రీలీల కీలక పాత్ర పోషిస్తోంది. సి.రామ్‌ప్రసాద్‌ సినిమాటోగ్రఫీ అందిస్తున్నారు. ఈ చిత్రం దసరాకు రిలీజ్ చేయనున్నారు. ఈ సినిమాకు అనిల్ రావిపూడి రచన, దర్శకత్వం వహించారు. అనిల్ రావిపూడితో బాలకృష్ణ తొలిసారిగా చేస్తున్నారు. ఈ దర్శకుడు ఇంతకుముందు సరిలేరు నీకెవరు, ఎఫ్2, సీక్వెల్ ఎఫ్3 వంటి చిత్రాలకు దర్శకత్వం వహించారు.
