indian stock market losses december 21st 2023 sensex loss 440 points
దేశీయ స్టాక్ మార్కెట్లు మంగళవారం నష్టాలతో కొనసాగుతున్నాయి. బెంచ్‌మార్క్ సూచీలు లాభాలతో మొదలయ్యి..మళ్లీ నష్టాల్లోకి జారుకున్నాయి. ఈ క్రమంలో నిఫ్టీ 21,394.85 వద్ద (24 పాయింట్ల దిగువన), బిఎస్‌ఇ సెన్సెక్స్ 71,265.36 (50 పాయింట్ల దిగువన) వద్ద ఉదయం 11 గంటల సమయానికి నమోదైంది. మరోవైపు బ్యాంక్ నిఫ్టీ, నిఫ్టీ మిడ్ క్యాప్ సూచీలు సైతం 104, 210 పాయింట్లు దిగజారాయి. ఈ క్రమంలోనే అదానీ పోర్ట్స్, విప్రో, హీరో మోటాకార్పొ, అదానీ ఎంటర్ ప్రైజస్, హిందాల్కొ స్టాక్స్ టాప్ 5 నష్టాల్లో కొనసాగుతున్నాయి. దీంతోపాటు వ్యాపార పరిణామాల కారణంగా సిమెన్స్, అంబుజా సిమెంట్ వరుసగా 1.43%, 1.07% క్షీణించాయి.
చైనాలో భూకంపం సహా పలు అంశాల కారణంగా మార్కెట్లు ఒడిదొడుకులకు లొనైనట్లు తెలుస్తోంది. ఈ క్రమంలోనే ఆసియా మార్కెట్లు ఫ్లాట్ గా ప్రారంభమయ్యాయి. ఈ నేపథ్యంలో ప్రస్తుతం డాలరుతో పోల్చితే రూపాయి విలువ 3 పైసలు క్షీణించి రూ.83.13కు చేరుకుంది. ఇక నిఫ్టీలో ఓఎన్జీసీ, నెస్లే, అపోలో హాస్పిటల్స్, బ్రిటానియా, కోల్ ఇండియా వంటి షేర్లు లాభాల్లో దూసుకెళ్తున్నాయి. ఈ క్రమంలోనే మరికొన్ని ఐటీ సంస్థల స్టాక్స్ కూడా ఒత్తిడికి గురవుతున్నాయి. అయితే వచ్చే న్యూ ఇయర్ సందర్భంగా బలమైన ర్యాలీ కొనసాగుతుందని విశ్లేషకులు చెబుతున్నారు. నిఫ్టీ 21,500 కంటే పైకి కదలుతుందని అంచనా వేస్తున్నారు. మరోవైపు జియోజిత్ ఫైనాన్షియల్ సర్వీసెస్‌కు చెందిన ఆనంద్ జేమ్స్ 21,360-320కి క్షీణించవచ్చని అంచనా వేశారు.
రిజర్వ్ బ్యాంక్ ఆఫ్ ఇండియా (RBI) చురుకైన ద్రవ్య విధాన చర్యలు, ధరల స్థిరత్వానికి బలమైన నిబద్ధతను డైరెక్టర్లు ప్రశంసించారు. డేటా ఆధారిత విధానంపై ఆధారపడిన ప్రస్తుత ద్రవ్య విధాన వైఖరి సముచితమైనదని క్రమంగా ద్రవ్యోల్బణాన్ని లక్ష్యానికి తీసుకురావాలని వారు అంగీకరించారని డిసెంబర్ 18న భారతదేశంతో IMF తన ఆర్టికల్ IV సంప్రదింపులో పేర్కొంది. డిసెంబర్ 8న RBI పాలసీ రెపో రేటును 6.5 శాతం వద్ద మార్చకుండా ఏకగ్రీవంగా ఓటు వేసింది. మానిటరీ పాలసీ కమిటీ (MPC)లోని సభ్యులందరూ వసతి వైఖరిని ఉపసంహరించుకోవడంపై దృష్టి కేంద్రీకరించడానికి అనుకూలంగా ఓటు వేశారు, అయితే ఆరుగురిలో ఐదుగురు సభ్యులు కొనసాగే వైఖరికి అనుకూలంగా ఓటు వేశారు.
ఇది కూడా చూడండి: IMF: ఈ ఆర్థిక సంవత్సరంలో భారత్ వద్ధి రేటు 6.3%!
