ప్రశాంత్ వర్మ, తేజ సజ్జా కాంబినేషన్లో తెరకెక్కుతున్న ‘హనుమాన్’ చిత్రం.. ఇప్పటికే చాలాసార్లు వాయిదా పడింది. గతంలో రిలీజ్ చేసిన టీజర్ హనుమాన్ సినిమా పై భారీ హైప్ క్రియేట్ చేసింది. దీంతో మూవీ లవర్స్ అంతా ఈ సూపర్ హీరో సినిమా కోసం ఆసక్తికరంగా ఎదురు చూస్తున్నారు. కానీ గ్రాఫిక్స్ కారణంగా ఈ సినిమా రిలీజ్ వాయిదా పడుతూ వస్తోంది. ముందుగా మే 12న రిలీజ్ చేయాలనుకున్నారు. ఆ తర్వాత ఆగస్టు 25న వస్తుందని అనుకున్నారు. కానీ ఫైనల్‌గా సంక్రాంతి బరిలోకి దూసుకొస్తోంది హనుమాన్ సినిమా. జనవరి 12న హనుమాన్ సినిమాను రిలీజ్ చేయనున్నట్టు చిత్ర యూనిట్ ఇప్పటికే ప్రకటించింది.
చదవండి:HBDSuperstarRajinikanth..సాయత్రం క్రేజీ అప్డేట్
అయితే, సంక్రాంతి సీజన్‌లో రవితేజ ‘ఈగల్’, నాగార్జున ‘నా సామిరంగ’, వెంకటేష్ ‘సైంధవ్‌’ సినిమాలు కూడా రిలీజ్ అవుతున్నాయి. అలాగే మహేష్‌ బాబు, త్రివిక్రమ్ మోస్ట్ అవైటేడ్ ప్రాజెక్ట్ ‘గుంటూరు కారం’ కూడా రిలీజ్ అవుతోంది. అయినా కూడా తగ్గేదేలే అంటున్నారు హనుమాన్ మేకర్స్. ఇక రిలీజ్ డేట్ దగ్గర పడుతుండడంతో ప్రమోషన్స్ స్పీడప్ చేసిన మేకర్స్.. తాజాగా హనుమాన్ ట్రైలర్ డేట్ లాక్ చేశారు. డిసెంబర్ 19న హనుమాన్ ట్రైలర్‌ని రిలీజ్ చేస్తున్నట్లు ప్రశాంత్ వర్మ ట్వీట్ చేసాడు.
చదవండి:Actress Mahalakshmi: బరువు తగ్గని రవీందర్..నటి మహాలక్ష్మి సంచలన నిర్ణయం
ఈ సందర్భంగా రిలీజ్ చేసిన పోస్టర్ చాలా బాగుంది. పాన్ ఇండియా స్థాయిలో తెరకెక్కుతున్న ఈ సినిమాను తెలుగుతో పాటు హిందీ, తమిళం, కన్నడ, మలయాళంతో ప్రపంచ వ్యాప్తంగా ఉన్న చాలా భాషల్లో రిలీజ్ చేస్తున్నారు. ఇంగ్లిష్, స్పానిష్, కొరియన్, జపనీస్ మరియు చైనీస్ వంటి భాషల్లోనూ విడుదలకు ప్లాన్ చేస్తున్నారు. ఏదేమైనా.. తెలుగులో సంక్రాంతి సినిమాలని హనుమాన్ ఎలా తట్టుకుంటాడో చూడాలి.
