కేజీయఫ్ సిరీస్‌తో సెన్సేషన్ క్రియేట్ చేశాడు కన్నడ రాకింగ్ స్టార్ యష్. కేజీయఫ్ చాప్టర్ 2తో ఏకంగా 1200 కోట్లకు పైగా వసూళ్లను రాబట్టాడు. కేజీయఫ్ చాప్టర్ వన్ కూడా కలుపుకుంటే 1500 కోట్ల వరకు రాబట్టాడు యష్. అలాంటి ఈ స్టార్ హీరో ఇప్పటి వరకు కొత్త ప్రాజెక్ట్ అనౌన్స్ చేయలేదు. కేజీయఫ్ జోష్‌లో కొత్త సినిమా స్టార్ట్ చేస్తాడని భావించిన యష్ అభిమానులు.. ఈ విషయంలో నిరాశకు గురయ్యారు. ఎట్టకేలకు ఇప్పుడు అభిమానుల్లో జోష్ నింపాడు యష్.
చదవండి: RaviTeja: రవితేజ కథ.. సన్నీ డియోల్ చేతికి…?
తన కెరీర్లో 19వ సినిమాగా రానున్న ప్రాజెక్ట్ టైటిల్ అనౌన్స్ చేశాడు. ముందుగా చెప్పినట్టుగా డిసెంబర్ 8 ఉదయం 9 గంటల 55 నిమిషాలకు రివీల్ చేశారు. అలాగే ముందు నుంచి వినిపిస్తున్నట్లుగానే మళయాళీ టాలెంటెడ్ డైరెక్టర్ గీతూ మోహన్ దాస్ డైరెక్షన్లోనే ఈ సినిమా అనౌన్స్ చేసాడు. ఈ మూవీకి ‘టాక్సిక్’ అనే టైటిల్ ప్రకటించారు. టైటిల్ అనౌన్స్మెంట్ మోషన్ పోస్టర్‌లో కూడా గన్ పట్టుకుని రాఖీ భాయ్‌లా కనిపించాడు యష్.
చదవండి: Varun Tej: హనీమూన్ ఎంజాయ్ చేస్తున్న వరుణ్, లావణ్య..!
బ్యాక్ గ్రౌండ్ స్కోర్ కూడా అదిరింది. అయితే ఈ సినిమా ఇతర కాస్ట్ అండ్ క్రూ డీటెయిల్స్ పై క్లారిటీ ఇవ్వలేదు. కానీ 2025 ఏప్రిల్ 10న సినిమాని విడుదల చేస్తున్నట్లు అనౌన్స్ చేసారు. అంటే ఈ సినిమా ఆడియన్స్ ముందుకు రావడానికి మరో ఏడాదిన్నర సమయం ఉందన్న మాట. వీలైనంత త్వరగా ఈ సినిమా రెగ్యూలర్ షూటింగ్‌ స్టార్ట్ చేయనున్నారు. ఇప్పటికే శ్రీలంకలో 45 రోజులపాటు సింగిల్ షెడ్యూల్‌ ప్లాన్ చేస్తున్నారని టాక్. అన్నట్టు ఈ సినిమా డ్రగ్స్ బ్యాక్ డ్రాప్‌లో ఉంటుందని సమాచారం. మరి యష్ నెక్స్ట్ ప్రాజెక్ట్ ఎలా ఉంటుందో చూడాలి.
