Kantara 2.. First Look Date Fix!
Kantara 2: కన్నడ హీరో రిషబ్ శెట్టి హీరోగా, స్వీయ దర్శకత్వం వహించిన ‘కాంతార’ మూవీ భారీ విజయాన్ని అందుకుంది. దీంతో వెంటనే కాంతార2 ప్రకటించారు. సినిమా సీక్వెల్‌గా కాకుండా ప్రీక్వెల్‌గా రాబోతోంది. వీలైనంత త్వరగా కాంతార2ని ఆడియెన్స్ ముందుకు తీసుకొచ్చేందుకు రెడీ అవుతున్నారు మేకర్స్. కాంతార ఛాప్ట‌ర్ 1 టైటిల్‌తో ఈ ప్రీక్వెల్ రానుంది. ఇటివ‌లే షూటింగ్ మొదలుపెట్టారు. దీంతో తాజాగా ఈ సినిమా నుంచి బిగ్ అప్డేట్‌ను ఇచ్చారు హోంబలే ఫిలింస్ వారు.
చదవండి: Movies: డిసెంబర్‌లో అన్ని పెద్ద హీరోల సినిమాలే
కాంతారా ఛాప్ట‌ర్ 1 ఫస్ట్ లుక్‌ను న‌వంబ‌ర్ 27న మధ్యాహ్నం 12 గంటల 25 నిమిషాలకు విడుద‌ల చేయ‌నున్న‌ట్లు తెలిపారు. ఈ సందర్భంగా.. ‘ఈసారి జస్ట్ లైట్ కాదు, ఏకంగా దర్శనమే’ అంటూ రాసుకొచ్చారు. ఇక కాంతారలో స్టార్టింగ్‌లో చూసిన 20 నిమిషాలకు ముందు జరిగిన కథతో ఈ కాంతార2 తెరకెక్కుతోంది. ఫస్ట్ పార్ట్ కోసం 16 కోట్ల బడ్జెట్ ఖర్చు చేసిన మేకర్స్.. ప్రీక్వెల్ కోసం ఏకంగా 120 కోట్లకు పైగా బడ్జెట్ ఖర్చు చేస్తున్నారు. ఒక్క ప్రీ ప్రొడక్షన్‌ కోసమే 20 కోట్లు ఖర్చు చేసినట్లు టాక్ ఉంది.
వచ్చే ఏడాది సెకండ్ హాప్‌లో ఈ హిట్ ప్రీక్వెల్‌ను ఆడియెన్స్ ముందుకు తీసుకురావాలని ప్లాన్‌ చేస్తున్నారు.రీజనల్ సినిమాగా ప్రయాణం మొదలుపెట్టి.. ఇంటర్నేషనల్ రీచ్ సొంతం చేసుకుంది కాంతార 2. అలాంటిది పాన్ ఇండియా మార్కెట్‌ను టార్గెట్ చేస్తూ భారీ బడ్జెట్‌తో వస్తున్న కాంతార 2 ఇంకెన్ని వండర్స్ క్రియేట్ చేస్తుందో చూడాలి.
