Two youths died while going to maha Ganesh darshan in Khairatabad
ఖైరతాబాద్మ హాగణపతి దర్శనం కోసం వెళ్తున్న క్రమంలో ఇద్దరు యువకులు ప్రమాదవశాత్తు రోడ్డు ప్రమాదంలో మృతి చెందారు. వీరిలో బోడుప్పల్ కు చెందిన యశ్వంత్ (22), సాయిరామ్(31) ఉన్నారు. అర్ధరాత్రి దాటిన తర్వాత ఖైరతాబాద్ గణేషుడిని దర్శించుకోవాలనే ఉద్దేశంతో వీరిద్దరు కలిసి స్పోర్ట్ బైక్ పై బోడుప్పల్ నుంచి బయలు దేరారు. ఆ క్రమంలో అడిక్ మెట్ ఫ్లైఓవర్ దగ్గర వేగంగా వెళ్తున్న బైక్ డివైడర్ ను ఢీ కొట్టింది. దీంతో బైక్ నడుపుతున్న యశ్వంత్ అక్కడికక్కడే మృతి చెందగా..గాయాలపాలైన సాయిరామ్ ను ఆస్పత్రికి తీసుకెళ్తున్న క్రమంలో మరణించాడు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. మృత దేహాలను గాంధీ ఆస్పత్రికి తరలించారు. యశ్వంత్ డిగ్రీ చదువుతుండగా, సాయిరామ్ డ్రైవర్ గా పనిచేస్తున్నాడు. దీంతో వీరి ఇరువురి కుటుంబాల్లో విషాదం నెలకొంది.
ఇది కూడా చూడండి: Kacheguda-Yesvantpur: వందేభారత్ ప్రారంభ తేదీ ఖరారు
