దేవీ నవరాత్రులు 9 రోజులు వేడుకగా సాగనున్నాయి. ఇంద్రకీలాద్రిపై అక్టోబర్ 15వ తేది నుంచి ప్రారంభం కానున్నఈ నవరాత్రుల్లో 9 రోజుల్లో 9 అలంకారాల్లో దుర్గమ్మ భక్తులను కనువిందు చేయనుంది. మొదటి రోజు స్నపనాభిషేకం ప్రత్యేక అలంకారంలో బాలాత్రిపుర సుందరి దేవిగా కనిపించనుంది. 16న గాయత్రీ దేవిగా, 17న అన్నపూర్ణ దేవిగా, 18న మహాలక్ష్మి దేవిగా, 19న లలితా త్రిపుర సుందరి దేవిగా, 20న సరస్వతి దేవిగా, 21న దుర్గా దేవిగా, 22న మహిశాషుర మర్దినిగా, 23న రాజరాజేశ్వరి దేవిగా భక్తులకు దుర్గమ్మ కనిపించనుంది.
చదవండి: Tirupati: సినిమా కలెక్షన్లను బీట్ చేసిన తిరుమల ఆదాయం
ప్రతి రోజూ రాత్రి 10 గంటల వరకు దుర్గమ్మను వివిధ రూపాలలో దర్శించుకోవచ్చు. మొదటి రోజు మినహా మిగిలిన రోజుల్లో తెల్లవారు జామున 4 గంటల నుండే దర్శనాలు మొదలవుతాయి. భక్తుల రద్దీ దృష్ట్యా మూలా నక్షత్రం రోజు అంటే 20వ తేదీ తెల్లవారు జామున 2 గంటల రాత్రి 11 గంటల వరకు అమ్మవారు భక్తులకు కనిపించనుంది.
చదవండి: Devotional tips: ఇంట్లో ఈ వస్తువులు పారేయండి..దరిద్రం మాయమౌతుంది!
23వ తేదీ విజయదశమి రోజు 10:30 గంటలకు పూర్ణాహుతితో దేవి నవరాత్రులను ఆలయ అధికారులు, అర్చకులు ముగిస్తారు. సాయంత్రం దుర్గ మలేశ్వర స్వామి వార్లు హంస వాహనంపై కృష్ణా నదిలో తెప్పపై నదీ విహారం చేస్తారు. ఆలయ పరిసరాల్లో క్యూ లైన్స్, ఘాట్ స్నానాలు వద్ద ఏర్పాట్లపై అధికారులు ఫోకస్ పెట్టారు. దూర ప్రాంతాల నుండి వచ్చే భక్తులకు ఎలాంటి ఇబ్బందులు కలగకుండా ఆలయ అధికారులు ఏర్పాట్లు చేస్తున్నారు.
