అన్నా చెల్లెళ్లు, అక్కా తమ్ముళ్లు ఎంతో సంతోషంగా జరుపుకునే రాఖీ పౌర్ణమి (Rakhi Full Moon) సందర్భంగా ఆర్టీసీ బస్సుల్లో ప్రయాణించే మహిళలకు టీఎస్ ఆర్టీసీ (TS RTC) గుడ్ న్యూస్ చెప్పింది. ఆడపడుచుల కోసం రాష్ట్రవ్యాప్తంగా లక్కీ డ్రా నిర్వహించాలని సంస్థ నిర్ణయించింది. ఈ లక్కీ డ్రాలో గెలుపొందిన మహిళలకు ఆక‌ర్షణీయ‌మైన రూ.5.50 లక్షల విలువగల బహుమతులు అందించి.. వారి ప‌ట్ల సంస్థకున్న గౌర‌వభావాన్ని ప్ర‌క‌టించనున్నారు. ప్రతి రీజియన్ పరిధిలో ముగ్గురికి చొప్పున మొత్తం 33 మందికి బహుమతులను ఇవ్వాలని సంస్థ నిర్ణయం తీసుకున్నట్లు టీఎస్ ఆర్టీసీ ఎండీ వీసీ సజ్జనార్ (VC Sajjanar) వెల్లడించారు. ఈనెల 30, 31 తేదిల్లో టీఎస్ఆర్టీసీ బస్సుల్లో ప్రయాణించే మహిళలందరూ ఈ లక్కీ డ్రాలో పాల్గొనవచ్చు.
చదవండి : Vikarabad : కరెంటు బిల్లుపై గొడవ..తండ్రిని కొట్టి చంపిన కసాయి కొడుకు
ప్రయాణం పూర్తయ్యాక టికెట్ వెనకాల పేరు, వారి ఫోన్ నంబర్‌ను రాసి.. వాటిని బస్టాండ్లలో ఏర్పాటు చేసిన డ్రాప్ బాక్సులలో వేయాలి. ఆ డ్రాప్ బాక్సులను ఒక చోటికి చేర్చి.. ప్రతి రీజియన్ (Region) పరిధిలో లక్కీ డ్రా నిర్వహించి ముగ్గురి చొప్పున విజేతలను అధికారులు ఎంపిక చేస్తారు. ముఖ్య అతిథుల చేతుల మీదుగా విజేతలకు బహుమతులను అందజేస్తారు. మహిళలకు రాఖీ పౌర్ణమి ఎంతో ప్రత్యేకమైందని, అత్యంత పవిత్రంగా ఈ పండుగను వారు జరుపుకుంటారని టీఎస్ఆర్టీసీ చైర్మన్, ఎమ్మెల్యే బాజిరెడ్డి గోవర్దన్(Bajireddy Govardhan), సంస్థ ఎండీ వీసీ సజ్జనార్ తెలిపారు. సుదూర ప్రాంతాలకు వెళ్లి మరీ తమ సోదరులకు బాలికలు, మహిళలు రాఖీలు కడుతుంటారు. కనుక సోదర సోదరీమణుల ఆత్మీయత, అనురాగాలతో కూడిన ఈ పండుగ నాడు.. టీఎస్ఆర్టీసీ బస్సుల్లో (TSRTC Bus) ప్రయాణించే మహిళలకు లక్కీ డ్రా (Lucky draw) నిర్వహించాలని సంస్థ నిర్ణయించింది.
చదవండి : Chandrayaan 3 – ISRO: చంద్రునిపై ఆక్సిజన్ ఆనవాళ్లు..గుడ్ న్యూస్ చెప్పిన ఇస్రో
